नंदुरबार l प्रतिनिधी
येथे मराठेकालीन पुरातन तोफ अस्तित्वात होती सदर तोफ शासकीय विश्रामगृहात होती. त्याची झालेली दुरावस्थासंदर्भात हिंदू सेवा सहाय्य समितीचे नरेंद्र पाटील आणि समितीचे धर्मसेवक यांनी जिल्हाधिकारी, कार्यकारी अभियंता सा.बां.वि. यांना जानेवारी महिन्यात निवेदन देऊन त्या तोफेची दुरुस्ती करून त्याला सन्मानाने ठेवावे, समय मर्यादेत पुरातन तोफेच्या गतवैभव प्राप्त करून न दिल्यास उपोषणाचा आणि गुन्हा दाखल करण्याचा इशारा देण्यात आला होता. हिंदु सेवा सहाय्य समितीने दिलेल्या इशाऱ्यानंतर सा.बां.वि. ने तोफेची दुरुस्ती करून सा.बां.वि. नवीन कार्यालयात बुरुज बनवून त्याठिकाणी तोफेला सन्मानाने ठेवले. हिंदु सेवा सहाय्य समितीने दिलेल्या लढ्याला यश मिळाले आहे.
सविस्तर वृत्त असे की, दि.१६ जानेवारी रोजी हिंदू सेवा सहाय्य समितीचे धर्मसेवक यांनी शासकीय विश्रामगृह या ठिकाणी मराठेकालीन पुरातन तोफ अत्यंत खराब व दयनीय अवस्थेत शासकीय विश्रामगृहाच्या सभागृहाचा मागील बाजूस ज्या ठिकाणी कचरा टाकण्यात येतो त्या ठिकाणी आढळून आली. इतिहासाची साक्ष देणारी ही मराठेकालीन तोफेची अशी अवस्था पाहून हा इतिहासाच्या अपमान आहे हे लक्षात घेऊन यासंदर्भात हिंदु सेवा सहाय्य समितीचे धर्मसेवक नरेंद्र पाटील यांनी समितीच्या फेसबुक अकाउंट वरून लाईव्ह करून यासंदर्भात हिंदु समाजातील लोकांना माहिती दिली आणि यासंदर्भात दि.१६/१/२४ रोजी हिंदू सेवा सहाय्य समितीच्या वतीने निवेदन देण्यात आले .
निवेदन दिल्यानंतरही त्या संदर्भात कुठलीही कार्यवाही न केल्यामुळे हिंदू सेवा सहाय्य समितीचे धर्मसेवक यांनी ऐतिहासिक तोफेची काळजी न घेतल्यास उपोषण करण्याचा आणि गुन्हा दाखल करण्याची तंबी दिली. त्यानंतर संबंधित अधिकारी यांनी सदर तोफेची डागडुगी, दुरुस्ती करून सा. बां. वि. च्या नवीन कार्यालय परिसरात एक नवीन बुरुज बनवून त्यावर सदर तोफे ठेऊन गतवैभव प्राप्त करून दिले. हिंदू सेवा सहाय्य समितीच्या पाठपुराव्यामुळे मराठेकालीन तोफेला गतवैभव प्राप्त झाल्यामुळे समितीचे धर्मसेवक नरेंद्र पाटील, जितेंद्र राजपूत, राजू चौधरी, उज्वल राजपूत, पंकज डाबी, गणेश राजपूत, सुयोग सुर्यवंशी, जयेश भोई यांचे कौतुक होत आहे.
