नंदुरबार l प्रतिनिधी
ग्रामिण भागात शिक्षणाच्या गूणवत्तेबाबत अनेकदा प्रश्नचिन्ह उभे केले जाते व ते काही अंशी खरे पण आहे. बहुसंख्य पालक हे गरीब असल्याने कूटूंबाची काळजी घेण्यासाठी विद्यार्थी हे गैरहजर असतात व त्यामूळे ते शैक्षणीक प्रवाहापासून काहीसे दूर होतात व विद्यार्थ्यांची शैक्षणीक प्रगतीला काहीसा आळा बसतो. जे विद्यार्थी नियमीत शाळेत येतात त्यांनाही ३५ मिनीटाच्या तासात शिकवलेला सर्वच पाठ्यक्रम पूर्णता समजतो असेही नाही अश्या व अनेक समस्या असतात.
वर्गातील सर्व पाठ रेकॅार्ड करून व लर्नींग मॅनेजमेंट सिस्टीम द्वारे मोबाईल ॲपवर विद्यार्थ्याला उपलब्ध करून दिल्यास ही समस्या बऱ्याच प्रमाणात सोडवण्यास मदत होईल. या प्रणाली द्वारे विद्यार्थी शाळेतील सर्व पाठ पून्हा पून्हा बघू शकेल व जो भाग समजला नाही तो समजवून घेवू शकेल यामूळे त्याच्या प्रगतीचा आलेख उंचावण्यास मदत होईल. या प्रणालीमूळे खाजगी शिकवणी लावण्याची गरज नाही त्यामूळे पालकांच्या खिश्याला कात्री बसनार नाही . अश्या प्रकारची लर्नींग मॅनेजमेंट सिस्टीम अमेरीका , ब्रिटनसारख्या अनेक प्रगत देशात सूरू आहे व त्याचे फायदेही आता सर्वांना दिसत आहेत.
का. वि. प्र. संस्था संचलित श्रीमती क. पू .पाटील माध्यमिक विद्यालय भालेर येथे संस्थापक अध्यक्ष भास्कर हिरामण पाटील कार्याध्यक्ष विजय भास्कर पाटील यांच्या संकल्पनेतील लर्निंग मॅनेजमेंट सिस्टमचे उद्घघाटन करण्यात आले. संस्थेचे कार्याध्यक्ष विजय बोरसे यांनी भविष्यवेधी शिक्षण व नवीन तंत्रज्ञानाचे महत्त्व व फायदे आपल्या मनोगतून व्यक्त केले. या उपक्रमा अंतर्गत आजपासून लर्निंग मॅनेजमेंट सिस्टम (Learning Management System) तयार करण्याचे काम सूरू झाले. यामूळे विद्यार्थ्याला शाळेतून घरी गेल्यावर शिकवलेले तास परत बघता येतील व न समजलेला भाग परत समजण्यास मदत होईल. हा उपक्रम ऊस तोडीसाठी किंवा काही कारणास्तव बाहेरगावी गेलेल्या विद्यार्थ्यांसाठी एक वरदान ठरेल व त्यांचा शैक्षणीक विकास जलद गतीने होण्यास मदत होईल . यासाठी सर्व टेक्निकल सहयोग एकसिलांस एक्सीलान्सीया डिजिटल टेक्नॉलॉजी (Excellencea Digital Technology पूरवेल. ग्रामीण भागात अशी सिस्टीम प्रथमच लागू होतेय.
प्राचार्या सौ विद्या चव्हाण यांनी या अध्यापन पद्धतीचे फायदे आपल्या मनोगतातून व्यक्त केले तसेच लर्निंग मॅनेजमेंट सेटिंग च्या रूमचे उद्घाटन विद्यालयाचे इयत्ता दहावीचे विद्यार्थी विवेक राहुल पाटील, अनुराज ईश्वर खोंडे यांच्या हस्ते करण्यात आले याप्रसंगी प्रत्यक्ष व्हिडिओ लेक्चरचे डेमो सादरीकरण शिक्षक ए .व्हीं. कुवर, ए . एस. पटेल, व्हि व्ही ईशी यांनी केले. विजयजी भास्कर बोरसे संस्थेचे उपाध्यक्ष चंद्रशेखर पाटील, सचिव भिका पाटील, बी के. पाटील, देविदास पाटील, सुनील पाटील, शाना भाऊ धनगर ,महादुपुरी गोसावी, डॉ. विजय बोरसे ,डॉ दिलीप धनगर ,रमेश पाटील, वासुदेव पाटील, प्रताप पाटील, शंभू पाटील आदी कार्यक्रमास उपस्थित होते. कार्यक्रमाचे सूत्रसंचालन व्ही.व्हि.ईशी यांनी केले . कार्यक्रमास प्राचार्य विद्या चव्हाण, प्राध्यापक ,प्राध्यापिका शिक्षक, शिक्षकेतर कर्मचारी वृंद मोठ्या संख्येने उपस्थित होते .
कार्यक्रमात हजर असलेल्या पालकांनी याबाबत शाळेचे अभिनंदन केले व विद्यार्थ्यांच्या प्रगती साठी काकेश्वर विद्याप्रसारक संस्था घेत असलेल्या प्रयत्नाबद्दल आंनद व्यक्त केला.
लर्निंग मॅनेजमेंट सिस्टम मुळे विद्यार्थी शाळेत गैरहजर राहिला किंवा शाळेत त्याला शिकवलेला पाठ समजला नाही तरी तो शिकवलेला पाठ त्याला मोबाईलवर पाहून त्या पाठाची पुनरावृत्ती करणे शक्य होईल त्यामुळे विद्यार्थ्यांच्या गुणवत्तेत वाढ होईल सध्या दहावीच्या वर्गापासून सुरुवात केली आहे. ही सिस्टम कन्या विद्यालयातील सर्व वर्गात राबविण्याचा मानस आहे.
सौ विद्या चव्हाण.प्राचार्य,श्रीमती क.पू. पाटील माध्यमिक व उच्च माध्यमिक विद्यालय, भालेर .