अनिरुद्ध बापू केंद्रातर्फे रक्तदान शिबिरास प्रतिसाद

नंदुरबार l प्रतिनिधी
गुरुवर्य अनिरुद्ध बापू उपासना केंद्रातर्फे नंदुरबार सह शहादा तळोदा तोरखेडा आणि छडवेल येथे आयोजित करण्यात आलेल्या महारक्तदान शिबिरात 155 दात्यांनी उत्स्फूर्तपणे रक्तदान केले. संपूर्ण महाराष्ट्र राज्यात एकाच दिवशी एकाच वेळी आयोजित रक्तदान शिबिरात साधकांनी उत्स्फूर्त प्रतिसाद दिला.

शहरातील जयवंत चौकातील ब्राह्मण वाडीत रविवार दि. 21 एप्रिल रोजी सकाळी नऊ ते दुपारी चार वाजेपर्यंत भव्य रक्तदान शिबिराचे आयोजन करण्यात आले होते. या शिबिरात महिला,

पुरुष साधकांसह दात्यांतर्फे उत्स्फूर्त प्रतिसाद लाभला अनिरुद्ध बापू उपासना केंद्राच्या साधकांतर्फे आयोजित रक्तदान शिबिरात इच्छुक रक्तदात्यांनी मोठ्या संख्येने सहभागी होऊन नंदुरबार जिल्ह्यातील गरजू रुग्णांना रक्तासाठी रक्तदान केल्याने सर्व स्तरावरून समाधान व्यक्त होत आहे. अनिरुद्ध बापू उपासना केंद्र तर्फे आयोजित रक्तदान शिबिरात जिल्हा रुग्णालय रक्तपेढीचे सहकार्य लाभले.