नंदूरबार l प्रतिनिधि
नंदुरबार शहरातील कुरेशी मोहल्ला येथुन नंदुरबार शहर पोलीस व स्थानिक गुन्हे शाखा पोलीसांचे संयुक्त कारवाईने, 64 हजार रुपये किंमतीचे एकुण 18 गोवंशीय जनावरांची सुटका करुन मालकांवर प्राण्यांना क्रुरतेने वागविण्याच्या प्रतिबंध अधिनियामान्वये कारवाई करण्यात आली.
नंदुरबार पोलीस अधिक्षक श्रवण दत्त यांच्या आदेशान्वये व मिळालेल्या गोपनिय माहितीवरुन नंदुरबार शहरातील कुरेशी मोहल्ला, बिस्मील्ला चौकाच्या समोर रस्त्यावर तसेच इतर ठिकाणी गोवंशीय जनावरे कत्तलीकीरता बांधुन ठेवले असल्याबाबतची बातमीची खात्री करुन, संबंधीतांवर कारवाई करणेकामी नंदुरबार शहर पोलीस ठाण्याचे व स्थानिक गुन्हे शाखेचे वेगवेगळे असे पथक तयार करुन, पथकातील अधिकारी व अंमलदार यांना पोलीस अधिक्षक यांनी कारवाई करणेबाबत आदेशीत केले होते.
त्याप्रमाणे नंदुरबार शहर पोलीस स्टेशनचे प्रभारी अधिकारी वासुदेव देसले हे त्यांचे पथकासह व स्थानिक गुन्हे शाखेचे प्रभारी अधिकारी किरणकुमार खेडकर असे त्यांचे पथकासह नंदुरबार शहरातील कुरेशी मोहल्ला येथे जावुन खात्री करत कुरेशी मोहल्ला येथील बिस्मील्ला चौकासमोरील रस्त्यावर, लोखंडी पत्र्याच्या शेडमध्ये, बोळीमध्ये व एका घरामध्ये अश्या विविध ठिकाणी एकुण 18 गोवंशीय जनावरे यांना त्यांचे मालक इरफान शेख मदरान कुरेशी, सईद हाजी शेख छोटु, जाविद युसूफ कुरेशी, जाकिर शेख सुभान, सर्व राहणार कुरेशी मोहल्ला, नंदुरबार यांनी सदर गोवंशीय जनावरे कत्तल करण्याच्या उददेशाने त्यांना वेदना होतील अश्या पध्दतीने निर्दयतने बांधलेल्या स्थितीत मिळुन आल्याने सदर गोवंशीय जनावरे यांना पोलीसांनी ताब्यात घेवुन नमुद घटनास्थळाचा पंचनामा करुन ताब्यात असलेले एकुण 64 रु. किंमातीचे 18 गोवंशीय जनावरे, यांना नंदुरबार तालुक्यातील चौपाळे येथील अरिहंत गोशाळा पांजरपोळ येथे दाखल करुन वर नमुद गोवंशीय जनावरे यांच्या मालकांविरुध्द नंदुरबार शहर पोलीस ठाणे येथे प्राण्यांना क्रूरतेने वागविण्याच्या प्रतिबंध अधिनियम 1960 वे कलम 11(1) (एफ) प्रमाणे वेगवेगळे असे 04 गुन्हे नोदं केले असुन सदर कारवाईत आणखीन आरोपी असण्याची शक्यता नाकारता येत नाही.
त्याबाबत अधिक सखोल तपास सुरु आहे. सदरची कारवाई ही नंदुरबार जिल्हयाचे पोलीस अधिक्षक श्रवण दत्त यांच्या आदेशान्वये व अपर पोलीस अधिक्षक निलेश तांबे नंदुरबार, उपविभागीय पोलीस अधिकारी संजय महाजन यांच्या मार्गदर्शना खाली, नंदुरबार शहर पोलीस ठाणेचे पोलीस निरीक्षक वासुदेव देसले, स्थानिक गुन्हे शाखेचे पोलीस निरीक्षक किरणकुमार खेडकर, सपोनि चंद्रकांत पाटील, सपोनि नंदा पाटील, पोउपनि / विकास गुंजाळ, पोउपनि युनूस शेख तसेच नंदुरबार शहर पोलीस ठाणेचे गुन्हे स्थानिक गुन्हे शोध पथकाचे व स्थनिक गुन्हे शाखेचे अंमलदार यांच्या पथकाने केली आहे.