नंदुरबार l प्रतिनिधी
राज्य सेवा हक्क आयोगाच्या नाशिक विभागीय आयुक्त चित्रा कुलकर्णी ह्या 22 व 23 फेब्रूवारी 2024 रोजी नंदुरबार जिल्हा दौऱ्यावर येत असल्याचे राज्य सेवा हक्क आयोग नाशिक विभाग नाशिकचे उपसचिव सुनील जोशी यांनी एका शासकीय पत्रानुसार कळविले आहे.
आयुक्त श्रीमती कुलकर्णी यांचा हा दौरा असा असेल, गुरुवार 22 फेब्रूवारी 2024 रोजी सकाळी 8 वाजता नाशिक येथून नंदुरबार कडे प्रयाण. दुपारी 2 वाजता शासकीय विश्रामगृह नंदुरबार येथे आगमन, दुपारी 3 वाजता नगरपालिका नंदुरबार येथे कार्यालय तपासणी, सायंकाळी 5 वाजता उपवनसंरक्षक नंदुरबार वन विभाग नंदुरबार येथे कार्यालयीन तपासणी. रात्री 8 वाजता शासकीय विश्रामगृह भोजन व मुक्काम.
शुक्रवार 23 फेब्रूवारी 2024 रोजी सकाळी 9 वाजता नंदुरबारहून नवापूर कडे प्रयाण. सकाळी 10.30 वाजता नवापूर येथे आगमन 10.30 ते 1.00 पर्यंत सेतू, ई-सेवा केंद्र व विविध कार्यालयांची तपासणी. दुपारी 1 ते 2 तहसिल कार्यालय येथे विविध तालुका प्रमुख यांची आढावा बैठक. दुपारी 2 ते 3 भोजन व दुपारी 3 ते रात्री 8 परतीचा प्रवास राहणार आहे.
या दौऱ्यात कार्यालयीन तपासणी करण्यात येणार असून संबंधितांना महाराष्ट्र लोकसेवा हक्क अधिनियम विषयक माहिती देण्यात येणार असून त्याअनुषंगाने संबंधित कार्यालयाने अद्ययावत माहिती तयार ठेवावी असेही उपसचिव श्री. जोशी यांनी शासकीय पत्रानुसार कळविल आहे.
