नंदुरबार | प्रतिनिधी
नंदुरबार तालुक्यातील नांदरखेडा-वासदरे रस्त्यावर दोन्ही दुचाकींच्या समोरासमोर झालेल्या धडकेत तिन्ही दुचाकीस्वार गंभीर जखमी झाले होते. दरम्यान उपचारादरम्यान तीघे युवक ठार झाल्याची घटना घडली आहे.
याबाबत पोलीससुत्रांनी दिलल्या माहितीनुसार, नंदुरबार तालुक्यातील नांदरखेडा वासदरे रस्त्यावर दोन्ही दुचाकींच्या समोरासमोर झालेल्या धडकेत भीषण अपघात झाला. या अपघातात तिन्ही दुचाकीस्वार गंभीर जखमी झाले. दरम्यान उपचारासाठी दाखल केले असता जिल्हा रुग्णालयात तीन युवक ठार झाल्याचे सांगण्यात आले. याबाबत पोलिस सूत्रांनी दिलेल्या माहितीनुसार शुक्रवारी सायंकाळच्या वेळेस सुपर स्प्लेंडर (क्र.एम. एच.-१८ ईबी. ७७६६) दुचाकीस्वार भरधाव वेगात नांदरखेडा दिशेने जात होता. या वेळी समोरून येणार्या (एम.एच.३९ पी ७९०) या मोटारसायकलला जोरदार धडक दिली. या अपघातात दीपल्या पोसल्या बहिरम रा.टाकलीपाडा, दिलवरसिंग रोप्या पाटील रा.नांदरखेडा ता.नंदुरबार व दुचाकी चालक संजय चैत्राम बागुल रा.टाकलीपाडा ता.नंदुरबार या तिघांना गंभीर दुखापत झाली. पुढील उपचारासाठी तातडीने नंदुरबार जिल्हा रुग्णालयात दाखल करण्यात आले. मात्र उपचार सुरू असताना वैद्यकीय अधिकार्यांनी तिघांना मयत घोषित केले. याप्रकरणी सुनील वळवी यांच्या फिर्यादीवरून तालुका पोलीस ठाण्यात गुन्हा दाखल करण्यात आला आहे .पुढील तपास पोलीस उपनिरीक्षक योगेश चौधरी करीत आहेत. तिघा मयतांच्या मृतदेहाचे शवविच्छेदन झाल्यानंतर नातेवाईकांच्या ताब्यात देण्यात आले. अपघातामुळे टाकली पाडा परिसरात शोककळा पसरली असून तिघा मयतांवर शोकाकुल वातावरणात अंत्यसंस्कार करण्यात आले.
