नंदूरबार l प्रतिनिधी
एस.ए.मिनिस्ट्रीज ट्रस्ट संचलित एस.ए.मिशन हायस्कूल व कनिष्ठ महाविद्यालय येथे वन्यजीव सप्ताह साजरा करण्यात आला.
या कार्यक्रमास डी. सी.एफ.कृष्णकांत भवर,ए.सी.एफ धनराज पवार, आर.एफ.ओ प्रिया चव्हाण हे मान्यवर उपस्थित होते. यावेळी शाळेच्या प्राचार्य नुतनवर्षा वळवी यांच्या हस्ते मान्यवरांचे पुष्पगुच्छ देऊन स्वागत व सत्कार करण्यात आले. यावेळी विद्यार्थ्यांना वन्यजीवाबद्दल माहिती देतांना कृष्णकांत भवर यांनी असे सांगितले की, पृथ्वीवर प्रचंड जैवविविधता आहे परंतु जंगलतोड वाढत आहे.शहरीकरण पशुपक्ष्यांपेक्षा अधिवासावर मानवी आक्रमण यासारख्या बाबींमुळे हल्ली माणसाच्या जंगली प्राण्यांशी संबंधच येत नाही तसेच नामशेष होत चाललेल्या वन्य पशु पक्षांबाबत जागृती निर्माण करणे हा सप्ताह साजरा करण्यामागील मुख्य हेतू होय.
यावेळी शाळेतील विद्यार्थ्यांचे वाघ, मोर, चित्ता, बिबट्या आणि किंगफिशर असे पाच संघ तयार करण्यात आले यावेळी प्रत्येक संघात दोन-दोन विद्यार्थ्यांची निवड करण्यात आली ,या संघांना वन्यजीवांवर आधारित प्रश्नमंजुषा कार्यक्रमांतर्गत विविध प्रश्न विचारण्यात आले.
यामध्ये बिबट्या या संघाने 80 गुण मिळवत प्रथम क्रमांक तर चित्ता या संघाने 45 गुण मिळवत दुसरा क्रमांक पटकावला ह्या संघांना उपस्थित मान्यवरांच्या हस्ते बक्षीस वाटप करून गौरविण्यात आले यावेळी शाळेच्या प्राचार्य नूतनवर्षां वळवी,उपमुख्याध्यापक विजय पवार, पर्यवेक्षिका वंदना जांभिलसा, पर्यवेक्षक मीनल वळवी आदी उपस्थित होते यावेळी सूत्रसंचालन उपमुख्याध्यापक विजय पवार यांनी केले तर आभार प्रदर्शन मनीष पाडवी यांनी मानले.
