नंदुरबार प्रतिनिधी
भारतीय सैन्यदल, नौदल व वायुदलामध्ये अधिकारी पदावर भरती होण्यासाठी सेवा निवड मंडळाच्या (एस.एस.बी.) परीक्षेची पूर्व तयारी करण्यासाठी युवक-युवतींसाठी नाशिकच्या छात्रपूर्व प्रशिक्षण केंद्रात (नाशिक रोड) प्रशिक्षण आयोजित करण्यात आले असल्याचे, जिल्हा सैनिक कल्याण अधिकारी मेजर डॉ. निलेश पाटील यांनी एका शासकीय प्रसिद्धी पत्रकान्वये कळविले आहे.
शासनामार्फत राज्यातील युवक-युतींसाठी 3 ऑक्टोंबर 2023 ते 12 ऑक्टोंबर 2023 या कालावधीत एसएसबी प्रशिक्षण क्र. 54 चे आयोजन करण्यात आले असून प्रशिक्षणार्थींची निवास, भोजन, आणि प्रशिक्षणाची मोफत सोय करण्यात आली आहे.
यासाठी नंदुरबार जिल्ह्यातील इच्छुक व पात्र उमेदवारांनी 26 सप्टेंबर 2023 रोजी सकाळी 11.00 वाजता जिल्हा सैनिक कल्याण कार्यालय, धुळे येथे शैक्षणिक प्रमाणपत्र व गुणपत्रिकेच्या मुळ प्रतीसह मुलाखतीस हजर रहावे. मुलाखतीस जातांना एसएसबी प्रशिक्षण क्र. 54 चे शिफारसपत्र व परिपूर्ण भरलेले परिशिष्ट दोन प्रतीत सादर करावे लागेल. सदर शिफारसपत्र व परिशिष्ट सैनिक कल्याण विभाग, पुणे यांच्या संकेतस्थळावरील एसएसबी प्रशिक्षण क्र. 54 अथवा व्हॉटसॲप क्रमांक 9156073306 यावर एसएसबी 54 हा संदेश पाठवून उपलब्ध करता येईल.
प्रशिक्षणासाठी पात्रता
कंम्बाईड डिफेन्स सर्विसेस एक्झामिनेशन अथवा नॅशनल डिफेन्स अकॅडमी एक्झामिनेशन पास झालेली असावी व त्यासाठी सर्विसेस सिलेक्शन बोर्ड मुलाखतीसाठी पात्र झालेले असावे.
एनसीसी सटिफिकेट मअफ किंवा मबफ ग्रेड मध्ये पास झालेले असावे व एनसीसी ग्रूप मुख्यालयाने एसएसबीसाठी शिफारस केलेली असावी.टेक्नीकल ग्रॅज्युएट कोर्ससाठी एसएसबी मुलाखतीसाठी कॉल लेटर असावे .
युनिव्हर्सिटी एन्ट्री स्किमसाठी एसएसबी कॉल लेटर आलेले असावे अथवा एसएसबीसाठी शिफारस केलेल्या यादीत नाव असावे. यापैकी कोणतीही एक पात्रता असणे आवश्यक असून त्यासंबंधीचे पात्रता प्रमाणपत्र प्रशिक्षणाच्या प्रवेशासाठी असणे आवश्यक आहे.
प्रशिक्षणाच्या अधिक माहितीसाठी प्रभारी अधिकारी, छात्रपूर्व प्रशिक्षण केंद्र, नाशिक यांचा ईमेल पत्ता .. व दूरध्वनी क्रमांक 0253-2451032 यावर किंवा कार्यालयीन वेळेत प्रत्यक्ष संपर्क करावा, असे आवाहनही मेजर डॉ. पाटील यांनी या प्रसिद्धी पत्रकान्वये केले आहे.
