नंदुरबार l प्रतिनिधी
महिलांच्या तक्रारी,अडचणी यांची सोडवणूक शासकीय यंत्रणेकडून करण्यासाठी व समाजातील पीडीत महिलांना मार्गदर्शनाची सुविधा उपलब्ध व्हावी याकरीता प्रत्येक महिन्याच्या तिसऱ्या सोमवारी जिल्हास्तरीय महिला लोकशाही दिन आयोजित करण्यात येतो.
त्यानुसार माहे ऑगस्ट महिन्याचा जिल्हास्तरीय महिला लोकशाही दिन सोमवार 21 ऑगस्ट, 2023 रोजी सकाळी 11.00 वाजता जिल्हाधिकारी कार्यालय नंदुरबार येथे आयोजित करण्यात आला असल्याचे सदस्य सचिव महिला लोकशाही दिन तथा जिल्हा महिला व बाल विकास अधिकारी राजेंद्र बिरारी यांनी एका प्रसिध्दी पत्रकान्वये कळविल आहे.
महिला लोकशाही दिनात तक्रार अथवा निवेदन वैयक्तिक स्वरुपाचे असावे. न्यायप्रविष्ठ प्रकरणे, सेवा विषयक आणि आस्थापना विषयक बाबींच्या विषयावरील अर्ज महिला लोकशाही दिनी स्विकारले जाणार नाहीत. महिला लोकशाही दिनात अर्ज सादर करू इच्छिणाऱ्या अर्जदारांनी तक्रार अर्ज घेवून 11 वाजेपर्यंत स्वत: उपस्थित राहून सादर करावे, असेही प्रसिध्दी पत्रकान्वये कळविण्यात आले आहे.
