नंदूरबार l प्रतिनिधी
नंदुरबार येथील श्रीमती डी आर हायस्कूल मध्ये आज डॉ. एस.आर.रंगनाथन ग्रंथालयाचे जनक यांची जयंती साजरी करण्यात आली.
कार्यक्रमाच्या अध्यक्षस्थानी शाळेचे मुख्याध्यापक पंकज पाठक तर तसेच व्यासपीठावर शाळेचे उपमुख्याध्यापक श्रीराम मोडक, ज्येष्ठ पर्यवेक्षक विपुल दिवाण, ग्रंथपाल मंगेश उपासनी आदी उपस्थित होते.
कार्यक्रमाची सुरुवात मान्यवरांच्या हस्ते डॉ.एस. आर.रंगनाथन यांच्या प्रतिमेचे पूजन करून करण्यात आले.
प्रमुख वक्ते श्रीराम मोडक यांनी आपल्या मनोगतातून डॉ.एस.आर. रंगनाथन हे ग्रंथालयाचे जनक म्हणून का ओळखले जातात, त्यांनी आपल्या जीवनात लोकांमध्ये वाचन संस्कृती कशी निर्माण केली? तसेच ग्रंथालयाचे महत्त्व व विविध पुस्तकांची अभ्यासपूर्ण माहिती विद्यार्थ्यांना दिली.
अध्यक्षीय भाषणातून शाळेचे मुख्याध्यापक पंकज पाठक यांनी वाचनामुळे आपल्या जीवनात कसे बदल घडून येतात, आजच्या जीवनात विध्यार्थी वर्गाचे वाचन वाचन खूप कमी झाले अशी खंत व्यक्त करून वाचनामुळे आपले जीवन समृद्ध बनते व बुद्धीला चालना मिळते असे मत व्यक्त केले.
कार्यक्रमाचे प्रास्ताविक व सूत्रसंचलन विशाल मच्छले यांनी केले तर ऋणनिर्देश ग्रंथपाल मंगेश उपासनी यांनी मानले. कार्यक्रमाच्या यशस्वीतेसाठी देवेंद्र कुलकर्णी प्रशांत पाटील तर चतुर्थ कर्मचारी वृंद खंडू जाधव , गजानन अहिरे यांनी परिश्रम घेतले.
