नंदुरबार l प्रतिनिधी
नवापूर तालुक्यातील मोरकारंजा येथे वाहनाने धडक दिल्याने पोलिस अधिकारी जखमी झाल्याची घटना घडली आहे.याप्रकरणी अज्ञात चालकाविरुद्ध विसरवाडी पोलीस ठाण्यात गुन्हा दाखल करण्यात आला आहे.
याबाबत पोलीस सूत्रांनी दिलेल्या माहितीनुसार, नवापूर तालुक्यातील विसरवाडी पोलिस ठाण्यात कार्यरत शिवदास रुपचंद देवरे हे त्यांच्या दुचाकीने (क्र.एम.एच. ३९ एए १९१९) जात होते. यावेळी एका अज्ञात वाहन चालकाने त्यांच्या ताब्यातील वाहन रस्त्याच्या परिस्थितीकडे दुर्लक्ष करुन भरधाव वेगात मोरकारंजा गावाजवळ दुचाकीला धडक दिल्याने पोलिस अधिकारी शिवदास देवरे यांना दुखापत झाली.
अपघातानंतर वाहन चालक घटनास्थळावरुन पसार झाला. याबाबत मोरकारंजा येथील पािेलस ठाण्यात गुलाबसिंग देवजी गावित यांच्या फिर्यादीवरुन विसरवाडी पोलिस ठाण्यात वाहन चालकाविरुद्ध भादंवि कलम २७९, ३३७, ३३८, ४२७ मोटार वाहन कायदा कलम १८४, १३४/ १८७ प्रमाणे गुन्हा दाखल करण्यात आला आहे. पुढील तपास पोहेकॉ.अरुण कोकणी करीत आहेत.
