नंदुरबार l प्रतिनिधी
नंदुरबार खांडबारा रस्त्यावर आज दि.९ एप्रिल सकाळी पहाटे साडेपाच वाजेदरम्यान घोगळपाडा आणि झामट्यावड फाट्यादरम्यान इको चार चाकी गाडीचा अपघात झाला आहे. या अपघातात चालक गणेश सुरेश वळवी (वय 23) रा.नांदरखे तालुका नंदुरबार याचा जागीच मृत्यू झाल्याची दुर्दैवी घटना घडली आहे.
नंदुरबारहुन खांडबाराच्या दिशेने पहाटे इको गाडी (क्र. एम. एच. 39,ए.जे.0345) या वाहनाने जात असताना खांडबाराच्या अलीकडे झामट्यावड फाट्याजवळ सदर वाहनाचा अपघात झाला आहे. अपघात नेमका कसा झाला याबाबत अधिक तपास खांडबारा पोलीस करीत आहे. वाहन चालक गणेश सुरेश वळवी वाहन चालवताना एकटा असल्याचे प्रत्यक्ष दर्शनी माहिती दिली आहे.
अपघात एवढा भीषण होता की रस्त्यावरून दोनशे फूट लांब गाडी शेतांमध्ये आढळून आली. अपघात ग्रस्त वाहना जवळून काही अंतरावर वाहन चालक शेतामध्ये मयत आढळून आला आहे. याबाबत खांडबारा पोलीस अधिक तपास करीत आहे. वाहन चालक मयत गणेश सुरेश वळवी राहणार नांदरखे तालुका नंदुरबार याच्या परिवाराला पोलिसांनी तत्काळ कळवून अपघाताबद्दल माहिती दिली आहे.
