मोलगी ता.अक्कलकुवा | दि.२६| वार्ताहर
अक्कलकुवा शहरातील कुंभार गल्लीत महाराष्ट्र विधान परिषदेचे सदस्य आ.आमश्या पाडवी यांच्या स्थानिक विकास निधीतून भुमीगत गटारीचे भूमिपूजन करण्यात आले.
अक्कलकुवा शहरातील कुंभार गल्ली भागात अनेक वर्षा पासुन नागरिकांना गटारीची समस्या भेडसावत होती.त्यामुळे नागरिकांची नवीन गटारीची मागणी होती गटारीची समस्या लक्षात घेऊन महाराष्ट्र विधान परिषदेचे सदस्य आ.आमश्या पाडवी यांनी त्यांच्या स्थानिक विकास निधीतून गटारीच्या बांधकामासाठी निधी उपलब्ध करुन दिला आहे.या गटारीच्या बांधकामाचे भूमिपूजन आ.आमश्या पाडवी,जिल्हा परिषदेचे समाज कल्याण सभापती शंकर पाडवी यांच्या हस्ते करण्यात आला.
तसेच अल्पसंख्याक विभागा मार्फत अक्कलकुवा शहरातील मुन्शीफळी, दर्गा रोड, जमादारफळी,सीतानगर, मक्राणी फळी,मिठाफळी येथे सौर ऊर्जेवर चालणारे पथ दिवे बसविण्याचा शुभारंभ करण्यात आला.
यावेळी अक्कलकुवा ग्रुपग्रामपंचायतीच्या सरपंच उषाताई बोरा उपसरपंच इम्रान मकरानी ज्येष्ठ नेते पृथ्वीसिंह पाडवी, रवींद्र चौधरी,मनोज डागा, छोटु हाश्मी, गुलामकादर बलोच, जयप्रकाश परदेशी, दीपक वळवी, अमरसिंग वळवी, कान्हा नाईक, किशोर ठाकुर, रावेंद्र सिंह चंदेल, रोहित चौधरी, रोहित सोनार, किरण चौधरी, भटू बोरा,नासीर बलोच, कुलदीप टाक, मोहसीन मक्राणी,ग्राम विकास अधिकारी के.के.पावरा, आदी उपस्थित होते.