नंदुरबार l प्रतिनिधी-
शहादा तालुक्यातील डामरखेडा गावाजवळ ट्रकने वाहनाला धडक दिल्याने २० वर्षीय तरुणाचा मृत्यू झाल्याची घटना घडली.
याबाबत पोलिस सूत्रांनी दिलेल्या माहितीनूसार, शहादा तालुक्यातील लांबोळा येथील राहूल रविंद्र बोरसे हे त्यांच्या ताब्यातील वाहनात (क्र.एम.एच.४६ एआर ६३५०) मध्ये प्रवाशी बसवून लांबोळा गावाहून प्रकाशा मार्गे नंदुरबार येथे टरबूज घेण्यासाठी जात होते. यावेळी एका ट्रक चालकाने त्याच्या ताब्यातील ट्रक (जी.जे.०३ एटी ४९०५) रस्त्याच्या परिस्थितीकडे दुर्लक्ष करुन भरधाव वेगात ट्रक चालवून शेतकी संच गोडावूनसमोर वाहनाला धडक दिल्याने अपघात घडला.
घडलेल्या अपघातात वाहनातील विष्णू कैलास वळवी, नवनाथ मोरे हे रस्त्यावर फेकले गेल्याने त्यात विष्णू वळवी हे ठार झाले. तर नवनाथ मोरे यांना दुखापत झाली. याबाबत राहूल रविंद्र बोरसे यांच्या फिर्यादीवरुन शहादा पोलिस ठाण्यात ट्रक चालकाविरोधात भादंवि कलम ३०४ (अ), २७९, ३३७, ३३८, ४२७, मोटार वाहन कायदा कलम १८४ प्रमाणे गुन्हा दाखल करण्यात आला आहे. पुढील तपास पोहेकॉ. रामा वळवी करीत आहेत.
