नंदुरबार l प्रतिनिधी
तळोदा तालुक्यातील मेंढवड फाट्याजवळील फरशी पुलावर दुचाकी धडक दिल्याने वृद्धाचा मृत्यू झाल्याची घटना घडली. याप्रकरणी दुचाकी चालकाविरोधात गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, तळोदा तालुक्यातील झिरी येथील बारज्या शिफा पाडवी तळोदा ते अक्कलकुवा रस्त्यावरील मेंढवड फाट्याजवळील फरशी पुलावरुन जात होते. यावेळी रमेश मोतीसिंग ठाकरे (रा.वासारडी ता.शिरपूर जि.धुळे) याने त्याच्या ताब्यातील दुचाकी (क्र.एम.एच.०५ एके ६५७८) रस्त्याच्या परिस्थितीकडे दुर्लक्ष करुन भरधाव वेगात दुचाकी चालवून बारज्या पाडवी यांना धडक दिल्याने त्यांचा मृत्यू झाला.
तसेच रमेश ठाकरे यांनाही दुखापत झाली असून दुचाकीचेही नुकसान झाले. याबाबत जयसिंग बारज्या पाडवी यांच्या फिर्यादीवरुन तळोदा पोलिस ठाण्यात रमेश ठाकरे याच्याविरोधात भादंवि कलम २७९, ३३७, ३३८, ४२७, मोटार वाहन कायदा कलम १८४ प्रमाणे गुन्हा दाखल करण्यात आला आहे. पुढील तपास सहाय्यक पोलिस निरीक्षक अविनाश केदारे करीत आहेत.
