नंदुरबार l प्रतिनिधी
आदिवासी दूध उत्पादक पूरक उद्योग सहकारी संघाची निवडणूक यंदाही बिनविरोध पार पाडली.गेल्या ४० वर्षांपासून लोकनेते माजी आ. स्व. भटेसिंग रघुवंशी व बाळासाहेबांच्या शिवसेनेचे नेते तथा माजी आ.चंद्रकांत रघुवंशी गटाची सत्ता आहे. चेअरमनपदी डोंगरसिंग कोकणी यांची बिनविरोध निवड करण्यात आली.
सहाय्यक निबंधक तथा अध्यासी अधिकारी नीरज चौधरी यांच्या अध्यक्षतेखालीआदिवासी दूध उत्पादक कृषीपूर्वक उद्योग सहकारी संघाचा चेअरमन व व्हाईस चेअरमन निवड करण्यासाठी मंगळवारी संघाच्या कार्यालयात निवडणूक प्रक्रिया पार पडली. या निवडणुकीत चेअरमन पदी डोंगरसिंग कोकणी तर व्हाईस चेअरमनपदी चंद्रकांत रघुवंशी यांची नियुक्ती करण्यात आलेली आहे.
आमदार कार्यालयात नवनियुक्त चेअरमन डोंगरसिंग कोकणी यांच्या बाळासाहेबांच्या शिवसेनेचे नेते तथा माजी आमदार चंद्रकांत रघुवंशी यांच्या हस्ते सत्कार करण्यात आला. याप्रसंगी शेतकरी सहकारी संघाचे चेअरमन बी.के पाटील,माजी नगरसेवक गजेंद्र शिंपी,शेतकरी सहकारी संघाचे संचालक सुरेश शिंत्रे,कृषी उत्पन्न बाजार समितीचे संचालक किशोर पाटील,सरपंच तेजमल राठोड,उपसरपंच समाधान पाटील,माजी सरपंच भरतसिंग राजपूत आदी उपस्थित होते.
नवनियुक्त संचालक मंडळ याप्रमाणे
चेअरमन डोंगरसिंग कोकणी, व्हाईस चेअरमन चंद्रकांत रघुवंशी, संचालक सुरेश शिंत्रे,अनिता पाटील, यशवंत पाटील, सखाराम पाटील, वैशाली पाटील, हिरकणबाई पाटील,माधुरी मराठे, भारतसिंग राजपूत,उषा पाटील, योगिता पाटील,सेजल पाटील
