नंदूरबार l प्रतिनिधी
येथील हिरा प्रतिष्ठान संचलित सहकारमहर्षी श्री.अण्णासाहेब पि.के. पाटील माध्यमिक व उच्च माध्यमिक विद्यालय, श्री.काकासाहेब हिरालाल मगनलाल चौधरी कला, वाणिज्य व विज्ञान महाविद्यालय, श्री.काकासाहेब हिरालाल मगनलाल चौधरी प्राथमिक विद्यामंदिर, सौ. ताईसाहेब इंदुबाई हिरालाल चौधरी प्राथमिक विद्यामंदिर,संस्कृती शिशु विहार व नुतन बालमंदिर यांच्या संयुक्त विद्यमाने प्रजासत्ताक दिनानिमित्त संस्थेचे अध्यक्ष तसेच काकासाहेब हिरालाल मगनलाल चौधरी कला, वाणिज्य व विज्ञान महाविद्यालयाचे प्राचार्य डॉ.रविंद्र हिरालाल चौधरी यांच्या शुभहस्ते शालेय प्रांगणावर मान्यवरांच्या उपस्थितीत ध्वजारोहण संपन्न करण्यात आले.
यासमारंभ प्रसंगी संस्थेचे संचालक बळवंत जाधव, डॉ.सुधीर भोलाणे, महेंद्र किसन चौधरी,संस्थेच्या संचालिका अनिता चौधरी,हिरा फाउंडेशनच्या संचालिका प्रणिता चौधरी,सचिव रुपेश चौधरी,माध्यमिक व उच्च माध्यमिक विद्यालयाचे प्राचार्य सुरेंद्र पाटील, किरण त्रिवेदी तसेच सर्व विभागाचे प्राध्यापक-शिक्षक, शिक्षकेतर कर्मचारी, विद्यार्थी व पालक मोठ्या संख्येने उपस्थित होते.
भारतीय प्रजासत्ताक दिनानिमित्त हिरा प्रतिष्ठान अधिनिस्त सर्व विद्यालयांच्या वतीने देशभक्तीपर आधारित विविध सांस्कृतिक कार्यक्रमांचे आयोजन करण्यात आले त्यात थोर महापुरुषांची वेशभूषा, वैयक्तिक नृत्य, समूहनृत्य अशा विविध कलागुणांचे सादरीकरण करत विद्यार्थ्यांनी देशप्रेमाचा व एकतेचा संदेश देत प्रजासत्ताक दिनाचा आनंद साजरा केला.
प्रजासत्ताक दिनाचे औचित्य साधत राष्ट्रीय इनस्पायर्ड अवॉर्ड मानक योजना अनुदान प्राप्त माध्यमिक विद्यालयाचे विद्यार्थी कु.अक्षदा अजित गावित,कु.किमया मुकुंद चौधरी, कु.चंचल अभय सोनार, कु.पूर्वा मनोज जाधव या विद्यार्थिनीचा सत्कार करण्यात आला तसेच नाशिक विभागीय स्तरावर विविध खेळ प्रकारात निवड झालेले
माध्यमिक विद्यालयाचे विद्यार्थी विलास धरमदास जाधव,योगेश संतोष बंजारा,निलेश संतोष बंजारा,दिव्या उदय चव्हाण,अभय भरत पेंढारकर,खुशी प्रफुल पाटील यांचा सत्कार करण्यात आला तसेच इयत्ता 8 वी एनएमएमएस परीक्षेत 10 विद्यार्थ्यांना शिष्यवृत्ती प्राप्त झाल्याबद्दल अभिनंदन व सत्कार करण्यात आला.
त्यानंतर शोधनिबंध 30 वे बाल विज्ञान परिषद विज्ञान प्रदर्शन जिल्हास्तरावर निवड झालेले इयत्ता 12 वी चे विद्यार्थी कु.वैष्णवी अभय सोनार, कु.प्रीती नीलकंठ शिरसाठ या विद्यार्थिनींचा व तालुका विज्ञान प्रदर्शन द्वितीय क्रमांक प्राप्त विद्यार्थी कु.भूमिका कैलास पानपाटील, कु.निधी प्रशांत दामोधर तसेच मतदार दिनानिमित्त आयोजित स्पर्धेत इयत्ता 12 वी चे यशस्वी विद्यार्थी कु.प्रीती नीलकंठ शिरसाठ, कु.भाग्यश्री पोपट चव्हाण या विद्यार्थिनींचा सत्कार करण्यात आला.
कार्यक्रमाचे सूत्रसंचालन गणेश पवार,ध्वजारोहणाचे सुत्रसंचालन महेंद्र फटकाळ,सांस्कृतिक कार्यक्रमांचे सूत्रसंचालन श्रीमती.नैना सोनवणे व आभार प्रदर्शन श्रीमती.सोनल मोरे यांनी केले तर समारंभाच्या यशस्वीतेसाठी सर्व विभागाचे प्राध्यापक – प्राध्यापिका, शिक्षक – शिक्षिका,शिक्षकेतर कर्मचारी आदिंनी सहकार्य केले.
