नंदुरबार| प्रतिनिधी
मनरद ते लांबोळा दरम्यान पोलीस व्हॅनचा अपघातात एकाचा मृत्यू झाला होता. याप्रकरणी पोलीस नाईक यांच्याविरूध्द शहादा पोलीस ठाण्यात गुन्हा दाखल करण्यात आला होता.
याबाबत पोलीस सुत्रांनी दिलेल्या माहितीनुसार, दि.५ डिसेंबर रोजी दुपारी २.३० वाजेच्या सुमारास नंदुरबारहून शहादा तालुक्यातील लोणखेडा येथे चोरी घटनेचा तपास करण्यासाठी अंगुली मुद्रा विभागाची व्हॅनसह पथक गेले होते. तेथे तपास केल्यानंतर परत असतांना शहादा-प्रकाशा रस्त्यावरील मनरद गावाजवळ असलेल्या पेट्रोल पंप जवळ पोलीस व्हॅन वरील चालक पोलीस नाईक त्याच्या ताब्यातील गाडी (क्र.एम.एच.३९-ए. ३३७) परिस्थितीकडे दुर्लक्ष करून भरधाव वेगात चालवत असतांना शंकर त्र्यंबक पाटील (७२) रा.रामकृष्णनगर (शहादा) हे लांबोळा शिवारातील शेतात मोटरसायकल (क्र.एम.एच.१८- ए.फ.५७००) हिच्याने जात असतांना मोटरसायकलीला व्हॅनने मागून धडक दिल्याने या अपघातात शंकर पाटील यांना दुखापत होवून त्यांचा मृत्यू झाला.
तसेच मोटरसायकल व शासकीय वाहनाचेही नुकसान झाले. याप्रकरणी अजय शंकर पाटील रा.रामकृष्णनगर (शहादा) यांच्या फिर्यादीवरून पोलीस नाईक दिनेश गोपाल लाडकर याच्याविरूध्द भादंवि कलम ३०४ (अ) २७९, ३३७, ३३८,४२७, मोटर वाहन कायदा कलम १८४ प्रमाणे गुन्हा दाखल करण्यात आला आहे. याप्रकरणी पुढील तपास पोसई जितेंद्र पाटील करीत आहेत.
