नंदुरबार l
राज्यातील मशिदींवरील अनधिकृत असलेले भोंगे काढण्याची कारवाई करावी, असा आदेश मनसेचे अध्यक्ष हिंदुजननायक राजसाहेब ठाकरे यांनी 4 मे 2022 रोजी दिला होता. त्यानुसार राज्यभर अनिधिकृत भोंग्याविरोधात आंदोलन करण्यात आले. म्हणुन नंदुरबार शहरातील मशिदींवरील अनधिकृत भोंग्यावर कारवाई करावी. तसेच ज्याठिकाणी परवानगी दिली आहे, तेथे न्यायालयाच्या आदेशानुसार भोंग्याचा आवाज नियंत्रित ठेवण्यात यावा, अशी नंदुरबार जिल्हा महाराष्ट्र नवनिर्माण सेनेचे जिल्हाध्यक्ष विजय विश्वनाथ चौधरी यांनी केली आहे.
याबाबत जिल्हा पोलीस अधिक्षक यांना निवेदन देण्यात आले आहे. सदरचे निवेदन जिल्हा विशेष शाखेचे पोलीस निरीक्षक भरत जाधव यांनी निवेदन स्विकारले. या निवेदनात म्हटले आहे की, मनसेचे अध्यक्ष हिंदुजननायक राजसाहेब ठाकरे यांच्या आदेशानुसार दि.4 मे 2022 रोजी महाराष्ट्र राज्यात अधिकृत व अनधिकृत अश्या मशिदींवरील बेकायदेशीररित्या बसवण्यात आलेल्या आणि वापरात असलेल्या कायद्याअंतर्गत सर्व अनधिकृत भोंगे (लाऊडस्पीकर) काढण्यासाठी राज्यभर आंदोलन झाले.
परंतु नंदुरबार शहरातील काही भागात मशिदींवरील भोंग्यांवर अद्याप कारवाई झालेली नाही. वेळोवेळी येणार्या भोंग्यांवरील ध्वनी त्रासदायक आहेत. म्हणुन न्यायालयाचा आदेशाचे पोलिस प्रशासनाने पालन करुन नंदुरबार शहरातील सर्व अनधिकृत भोंग्यांवर कारवाई करावी. तसेच ज्या ठिकाणी परवानगीने भोंगे आहेत, ते न्यायालयाच्या आदेशानुसार त्या भोंग्यांचा आवाज नियंत्रित ठेवण्याची कार्यवाही व्हावी, अशी मागणी महाराष्ट्र नवनिर्माण सेनेचे नंदुरबार जिल्हाध्यक्ष विजय विश्वनाथ चौधरी, नंदुरबार तालुकाध्यक्ष राकेश माळी, जिल्हा सचिव पवनकुमार गवळे, विधानसभा क्षेत्र अध्यक्ष सुनील कोकणी, उपतालुकाध्यक्ष विनोद वसावे, मनसे विद्यार्थी सेनेचे राम ठक्कर, प्रसिध्दी प्रमुख कल्पेश माळी, अशोक माळी, योगेश चौधरी, दीपक चौधरी, ऋषी चौधरी आदींनी निवेदनातून केली आहे
