नंदूरबार l प्रतिनिधी
नंदुरबार येथील श्री.स्वामी समर्थ सेवा केंद्रात दत्त जयंती निमित्त अखंड नाम यज्ञ सप्ताहाचे आयोजन करण्यात आले आहे.
दत्त जयंती निमित्त श्री.स्वामी समर्थ सेवा केंद्रात अखंड नाम जप यज्ञ सप्ताहाचे आयोजन करण्यात आले आहे. सप्ताह निमित्त गुरुचरित्र पारायण वाचन करण्यात येत आहे .शहरातील नेहरू चौक येथील श्री स्वामी समर्थ सेवा केंद्र व चौपाळे रोड येथील स्वामी समर्थ प्रशिक्षण केंद्र येथे मिळून जवळपास 500 च्या वर सेवेकरी गुरुचरित्र पारायणास बसले आहे.
या सप्ताह कालावधीत नित्यस्वाहाकार सोबत गणेश याग, गीताई याग ,स्वामी याग, रुद्र याग, मल्हारी याग, चंडी याग असे विविध याग होणार असून 24 तास प्रहराची सेवा चालणार आहे. 7 डिसेंबर बुधवार रोजी दत्त जयंती उत्सव साजरा करण्यात येणार असून 8 डिसेंबर गुरुवारी सत्यदत्त पूजनाने या सप्ताहाची सांगता होणार आहे.तरी सेवकरांनी ह्या सप्ताह काळात जास्तीत जास्त सेवा करून स्वामी समर्थांच्या चरणी सेवा रुजू करावी असे स्वामी समर्थ सेवा केंद्राच्या वतीने सांगण्यात आले आहे.
