नंदूरबार l प्रतिनिधी
राष्ट्रीय फ्लोअरबाॅल स्पर्धेत नंदुरबार खेळाडुंच्या विजयानिमित्ताने हिरा प्रतिष्ठान या शैक्षणिक परीवार व मा.आ.शिरीष चौधरी यांच्या वतीने अभिनंदन करीत सत्कार करण्यात आला.
चेन्नई येथे झालेल्या राष्ट्रीय स्तरावरील फ्लोअर बाॅल स्पर्धेत महाराष्ट्र राज्याच्या संघात नंदुरबार जिल्ह्यातून सहभागी झालेल्या विद्यार्थ्यांनी महाराष्ट्र राज्याचे प्रतिनिधित्व करुन विजय चषक प्राप्त केल्याबद्दल तथा मिळवलेल्या यशामुळे नंदुरबार जिल्ह्याचे नाव क्रीडा क्षेत्रात उच्चस्थानावर पोहचविल्या निमित्त विजयी स्पर्धक (विद्यार्थी—विद्यार्थिनी) व पालक यांचे अभिनंदन व कौतुक करण्या करीता हिरा प्रतिष्ठान या शैक्षणिक परीवार व मा.आ.शिरीष चौधरी यांच्या वतीने हिरा प्रतिष्ठान संचलित सहकार महर्षी श्री.अण्णासाहेब पी.के.पाटील माध्यमिक व उच्चमाध्यमिक विद्यालय,नंदुरबार येथे अभिनंदन सोहळा आयोजित करण्यात आला होता.
या कार्यक्रमात हिरा प्रतिष्ठान संस्थेचे आधारस्तंभ काकासाहेब हिरालाल मगनलाल चौधरी यांच्या शुभहस्ते विजयी स्पर्धकांचा शॅाल,पुष्पगुच्छ,पेढा व हिरा प्रतिष्ठान संस्थेचे व अमळनेर विधान सभा क्षेत्र माजी.आमदार शिरीष चौधरी यांच्या हस्ते शुभेच्छा तथा अभिनंदन कौतुकास्पद प्रशस्ती पत्र प्रदान करण्यात आले व सर्व विजयी स्पर्धकांनी भविष्यात आपले नाव,यश,किर्ती जागतिक पातळीवर पोहचवावे व आपल्या जिल्याचे नाव असेच क्रीडा क्षेत्रात रोषन करावे अश्या शुभेच्छा व आशीर्वाद त्यांनी दिल्या.
या अभिनंदन सोहळ्यात विजयी स्पर्धक- मुलींच्या गटातुन कन्या अमित मराठे, किर्ती विजय गवळे, रुधिका सुनिल मोरे (कॅप्टन), तनिष्का सचिन धनगर व मुलांच्या गटातुन ओम किशोर मराठे, गौरव शरद चौधरी, राजेश प्रकाश माळी व समस्त पालक उपस्थित होते.
यावेळी मुख्याध्यापक/प्राचार्य सुरेंद्र पाटील, सौ.ताईसाहेब प्राथमिक विद्या मंदिराचे मुख्याध्यापक किरण त्रिवेदी, श्री.काकासाहेब प्राथमिक विद्या मंदिराचे जेष्ठ शिक्षक युवराज भामरे , माध्य.विभाग शिक्षक अनिल चौधरी,प्राध्यापक गणेश पवार, प्राध्यापक हितेश चव्हाण, जितेंद्र चौधरी उपस्थित होते.
