नंदुरबार l
अक्कलकुवा ते मोलगी रस्त्यावर एसटी बसने दुचाकीला धडक दिल्याने दोन जण जखमी झाल्याची घटना घडली.
अक्कलकुवा तालुक्यातील मोठी राजमोही येथील विशाल रमेश पाडवी व हेमंत दिवल्या वळवी हे दोघेजण दुचाकीने अक्कलकुवा ते मोलगी रस्त्याने जात होते.
यावेळी एका एसटी बस चालकाने त्याच्या ताब्यातील बस (क्र.एम.एच. ०६ ८७६८) रस्त्याच्या परिस्थितीकडे दुर्लक्ष करुन भरधाव वेगात बस चालवून ठाण्याविहिर गावाच्या फाट्याजवळ दुचाकीला मागून धडक दिल्याने अपघात घडला. घडलेल्या अपघातात विशाल पाडवी व हेमंत वळवी यांना दुखापत झाली.
अपघातानंतर बसचालक घटनास्थळावरुन पसार झाला. याबाबत विशाल पाडवी यांच्या फिर्यादीवरुन अक्कलकुवा पोलिस ठाण्यात बस चालकाविरोधात भादंवि कलम २७९, ३३७, ४२७ सह मोटार वाहन कायदा कलम १८४, १३७/१७७ प्रमाणे गुन्हा दाखल करण्यात आला आहे. पुढील तपास पोना.अतुल गावित करीत आहेत.
