नंदूरबार l प्रतिनिधी
नंदूरबार तालुक्यातील धानोरा ते इसाईनगर दरम्यान असलेला रंका नदीवरील पुल अचानक कोसळल्याने दोन्ही कडील वाहतूक ठप्प झाली असून. गावकऱ्यांच्या सतर्कतेमुळे बसचा अपघात होताना वाचला.
याबाबत अधिक माहिती अशी की, नंदूरबार तालुक्यातील धानोरा ते इसाईनगर दरम्यान रंका नदीवर ४० वर्षापूर्वी पुल उभारण्यात आला होता.हा रस्ता महामार्ग असून गुजरात व महाराष्ट्र राज्याला जोडतो. आज दि. २९ सप्टेंबर रोजी सकाळी ८.४५ वाजेदरम्यान अचानक कोसळला त्यामुळे पूर्ण वाहतूक ठप्प झाली आहे.घटनेची माहिती मिळताच तहसिलदार भाऊसाहेब थोरात यांच्यासह प्रशासनाचे पथक घटना स्थळी रवाना झाले.
गावकऱ्यांमध्ये वाचले नागरिकांचे प्राण
नंदूरबार तालुक्यातील धानोरा ते इसाईनगर दरम्यान रंका नदीवरील पूल आज सकाळी अचानक कोसळला.त्यानंतर काही वेगात त्याठिकानाहून बस जात होती.मात्र गावकऱ्यांनी बस थांबवल्याने मोठा अनर्थ टळला.दरम्यान राज्य महामार्ग क्रमांक सहा वरील 68 मीटर लांबीचा हा पूल कोसळला असूनसुदैवाने मोठी जीवित हानी टळली.
महाराष्ट्र परिवहन विभागाची प्रवासी बस व मालवाहू ट्रक गेल्यानंतर काही क्षणातच पूल कोसळला.1982 साली सदर पुलाचे काम झाले होते. धुळे नंदुरबार राज्य महामार्ग ६ सदर महामार्ग थेट गुजरात राज्यात जातो.