नंदुरबार l
शहरातील इंदिरा मंगल कार्यालय ते गुरव चौकाकडे जाणाऱ्या रस्त्यावर दुचाकींच्या झालेल्या धडकेत एकास दुखापत झाली असून गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, नंदुरबार हुडको कॉलनीती चेतन अनिल वैद्य हा युवक दुचाकीने (क्र.एम.एच.३९ एएल ०५५९) इंदिरा मंगल कार्यालय ते गुरव चौकाकडे जाणाऱ्या रस्त्याने जात होता. यावेळी एका दुचाकी चालकाने त्याच्या ताब्यातील दुचाकी (क्र.एम.एच.३९ एए २१४९) रस्त्याच्या परिस्थितीकडे दुर्लक्ष करुन भरधाव वेगात हुडको कॉलनीत दुचाकीला समोरुन धडक दिल्याने चेतन वैद्य यांच्या डोक्याला गंभीर दुखापत झाली.
अपघातानंतर दुचाकी चालक घटनास्थळावरुन पसार झाला. याबाबत अनिल प्रभाकर वैद्य यांच्या फिर्यादीवरुन उपनगर पोलिस ठाण्यात दुचाकी चालकाविरोधात भादंवि कलम २७९, ३३७, ४२७ सह मोटार वाहन कायदा कलम १८४, १३४/१८७ प्रमाणे गुन्हा दाखल करण्यात आला आहे. पुढील तपास सहाय्यक पोलिस उपनिरीक्षक राजेंद्र दाभाडे करीत आहेत.