नंदुरबार l प्रतिनिधी
शहरालगत असलेल्या होळ शिवारात चोरट्यांनी घरफोडी करीत सोन्याच्या दागिन्यांसह रोकड असा सुमारे ६० रुपये किंमतीचा ऐवज चोरट्यांनी लंपास केल्याची घटना घडली.
याबाबत पोलिस सूत्रांनी दिलेल्या माहितीनूसार, नंदुरबार शहरालगत असलेल्या होळ शिवारात अनिल कौतिकराव देवरे यांचे घर आहे. सदर बंद घराची कडी तोडून चोरट्यांनी आत प्रवेश करीत घरात असलेले ५० हजार रुपये किंमतीचे सोन्याचे दागिने व ८ हजार रुपये किंमतीची रोकड असा एकूण ५८ हजार रुपये किंमतीचा ऐवज चोरट्यांनी लंपास केला.
याबाबत अनिल देवरे यांच्या फिर्यादीवरुन नंदुरबार शहर पोलिस ठाण्यात अज्ञातांविरोधात भादंवि कलम ४५४, ४५७, ३८० प्रमाणे गुन्हा दाखल करण्यात आला आहे. पुढील तपास पाहेकॉ.मुंगल्या पाडवी करीत आहेत.
