नंदुरबार l प्रतिनिधी
तालुक्यातील करणखेडा येथे केस दाखल केल्याचे वाईट वाटून एकास काठीने मारहाण केल्याप्रकरणी गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, नंदुरबार तालुक्यातील करणखेडा येथील विजय ताराचंद नाईक यांनी कंस रुपल्या नाईक याच्याविरोधात केस दाखल केली होती. याचे वाईट वाटून विजय नाईक यांना कंस नाईक याने काठीने डोक्यावर मारुन दुखापत केी
. तसेच शिवीगाळ करीत जिवेठार मारण्याची धमकी दिली. याबाबत विजय नाईक यांच्या फिर्यादीवरुन उपनगर पोलिस ठाण्यात कंस नाईक याच्याविरोधात भादंवि कलम ३२३, ५०४, ५०६ प्रमाणे गुन्हा दाखल करण्यात आला आहे. पुढील तपास पोहेकॉ.राम वळवी करीत आहेत.
