दुचाकीच्या वाहनाच्या धडकेत अनोळखी महिलेचा मृत्यू

नंदुरबार   l

तालुक्यातील ढेकवद गावाजवळ वाहनाने धडक दिल्याने अनोळखी महिलेचा मृत्यू झाल्याची घटना घडली.

याबाबत पोलिस सूत्रांनी दिलेल्या माहितीनूसार, नंदुरबार तालुक्यातील ढेकवद येथील भातीजी महाराज मंदिरासमोरील रस्त्यावर एका वाहन चालकाने त्याच्या ताब्यातील वाहन भरधाव वेगात चालवून एका ६० वर्षीय अनोळखी महिलेला धडक दिल्याने महिलेचा मृत्यू झाला.

अपघातानंतर वाहन चालक घटनास्थळावरुन पसार झाला. याबाबत ढेकवदच्या पोलिस पाटील संध्या कैलास पाडवी यांच्या फिर्यादीवरुन नंदुरबार तालुका पोलिस ठाण्यात वाहन चालकाविरोधात भादंवि कलम ३०४ (अ), २७९, ३३८, ३३८, ४२७, मोटार वाहन कायदा कलम १३४/१८७ प्रमाणे गुन्हा दाखल करण्यात आला आहे. पुढील तपास पोहेकॉ.सुरेश वसावे करीत आहेत.