नंदुरबार l प्रतिनिधी
शहरातील इसामू नगर बंधारहट्टी येथे घरी पोलिस आल्याच्या राग आल्याने महिलेस शिवीगाळ करीत टरपेंटाईन अंगावर फेकल्याने ६ जणांविरुद्ध गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, नंदुरबार शहरातील इसामू नगर बंधारहट्टी येथील रुबिना शाह यांच्या घरी पोलिस आल्याच्या राग आल्याने रुकसारबी शाहीद काझी यांना रुबिना शाह, शारीफा शेख, जरीना शेख, अलीम सलीम शेख, कलीम सलीम शेख शाहनवाज शाह यांनी शिवीगाळ केली.
तसेच शारीफा शेख हिने रुकसारबी काझी यांचा उजवा हात पकडल्याने बांगडी फुटून हाताला खरचटले व शाहनवाज शाह याने टपरेंटाईन अंगावर फेकल्याने इन्फेक्शन झाले. याबाबत रुकसारबी शाहीद काझी यांच्या फिर्यादीवरुन नंदुरबार शहर पोलिस ठाण्यात ६ जणांविरुद्ध भादंवि कलम १४३, १४८, १४९, ३२३, ५०४ प्रमाणे गुन्हा दाखल करण्यात आला आहे. पुढील तपास पोना.संजय मालपुरे करीत आहेत.
