नंदुरबार l प्रतिनिधी
नवापूर तालुक्यातील शिर्वे येथील एकाने लोकसेवकास खोटी माहिती दिल्याने गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, नवापूर तालुक्यातील शिर्वे येथील यशवंत करणसिंग वसावे याने दारु पिऊन मद्यधुंद अवस्थेत ११२ नंबर डायल करुन पोलिसांना त्रास व्हावा म्हणून खोटी माहिती दिली.
याबाबत पोशि.प्रविण अहिरे यांच्या फिर्यादीवरुन विसरवाडी पोलिस ठाण्यात यशवंत वसावे याच्याविरोधात भादंवि कलम १८२ प्रमाणे गुन्हा दाखल करण्यात आला आहे. पुढील तपास सहाय्यक पोलिस निरीक्षक नरेंद्र वळवी करीत आहेत.
