नंदुरबार l प्रतिनिधी
नवापूर तालुक्यातील पांगराण येथील शेत शिवारातून चोरट्यांनी इलेक्ट्रिक केबलसह लोखंडी पाईप असे सुमारे २५ हजार रुपये किंमतीचे साहित्य चोरुन नेल्याची घटना घडली.
याबाबत पोलिस सूत्रांनी दिलेल्या माहितीनूसार, नवापूर तालुक्यातील पांगराण येथील दीपक शामलाल कोकणी यांच्या शेत शिवारातील १२ हजार ५६० रुपये किंमतीचे एकूण ७० मीटर लांब इलेक्ट्रिक पाण्याची केबल व १२ हजार रुपये किंमतीचे ३० नगर २० फुट लोखंडी पाईप असे एकूण २४ हजार ५६० रुपये किंमतीचे साहित्य चोरट्यांनी चोरुन नेले.
याबाबत दीपक कोकणी यांच्या फिर्यादीवरुन नवापूर पोलिस ठाण्यात अज्ञाताविरोधात भादंवि कलम ३७९ प्रमाणे गुन्हा दाखल करण्यात आला आहे. पुढील तपास सहाय्यक पोलिस निरीक्षक गुमानसिंग पाडवी करीत आहेत.
