नंदुरबार l प्रतिनिधी
धडगाव वन विभागाच्या कारवाईत 2 लाख 82 हजार 166 रुपयांचा मुद्देमाल जप्त करण्यात आला आहे.
वनक्षेत्रपाल अक्राणी व रेंज स्टाफ यांना मिळालेल्या गुप्त बातमीवरून शैलकुई – राजबर्डी रस्त्यावर गस्त करत असतांना संशयित वाहन (क्र.एम.एच. 04, ईएल.8646) बोलेरो पिकप निदर्शनास आले.
सदर वाहनास अटकाव केला असता वाहन चालक वाहन थांबून पसार झाला. सदर वाहनाची तपासणी केली असता. साग चौपाट नग 92 घनमीटर 1.054 माल किंमत – 31620 रुपये किंमतीची साग बेलखे नग -15 घनमीटर 0.027 माल किंमत – 546 असा एकूण 32166 रूपयाचा मुद्देमाल मिळून आला.
सदर मुद्देमाल व अडीच लाख रुपये किंमतीची बोलेरो पीकपसह एकुण 2 लाख 82 हजार 166 रूपयाचा मुद्देमाल जप्त करुन सदर वाहनासह धडगाव टिंबर डेपोत पावतीने जमा करून कारवाई करण्यात आली आहे.
सदर कार्यवाहीत चारुशीला काटे वनक्षेत्रपाल अक्राणी, भरतसिंग परदेशी वनपाल माकडकुंड, गुलाबसिंग तडवी वनरक्षक पिंपरी, अनिल पाडवी वनरक्षक धडगाव, मांगा वळवी वनरक्षक अटटी यांच्या पथकाने कारवाई केली आहे.
सदर कार्यवाही दि.वा. पगार वनसंरक्षक धुळे, लक्ष्मण पाटील उपवनसंरक्षक नंदुरबार वनविभाग शहादा, संजय साळुंखे सहाय्यक वनसंरक्षक (रोहयो) अक्राणी यांच्या मार्गदर्शनाखाली करण्यात आली.
