नंदुरबार l प्रतिनिधी
तालुक्यातील ईसाइनगर गावात घरफोडी करीत चोरट्यांनी रोकडसह सोन्या-चांदीचे दागिने असा सुमारे अडीच लाखांचा ऐवज चोरुन नेल्याची घटना घडली.
याबाबत पोलिस सूत्रांनी दिलेल्या माहितीनूसार, नंदुरबार तालुक्यातील ईसाइनगर येथील भिमसिंग लक्ष्मण वळवी यांचे घर आहे. सदर बंद घराचे कडीकोयंडा तोडून चोरट्यांनी आत प्रवेश केली. यावेळी घरात असलेली १ लाख ७७ हजार रुपये किंमतीची रोकड व ५७ हजार रुपये किंमतीचे सोन्या-चांदीचे दागिने असा एकूण २ लाख ३४ हजार रुपये किंमतीचा ऐवज चोरट्यांनी चोरुन नेला.
याबाबत भिमसिंग वळवी यांच्या फिर्यादीवरुन उपनगर पोलिस ठाण्यात अज्ञातांविरोधात भादंवि कलम ४५४, ४५७, ३८० प्रमाणे गुन्हा दाखल करण्यात आला आहे. पुढील तपास सहाय्यक पोलिस निरीक्षक देविदास सोनवणे करीत आहेत.
