नंदुरबार l प्रतिनिधी
नवापूर शहरातील नेहरु नगर भागात विना परवाना तलवार बाळगतांना आढळून आल्याप्रकरणी एकाविरोधात गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, नवापूर शहरातील नेहरु नगर भागात जयेश दिनेश जाधव रा.इंदिरा नगर, नवापूर हा दोन हजार रुपये किंमतीची लोखंडी धारदार व टोकदार तलवार विना परवाना कब्जात बाळगून फिरतांना आढळून आला.
याबाबत पोना.नितीन नाईक यांच्या फिर्यादीवरुन नवापूर पोलिस ठाण्यात जयेश जाधव याच्याविरोधात भारतीय हत्यार कायदा १९५९ चे कलम ४/२५ प्रमाणे गुन्हा दाखल करण्यात आला आहे. पुढील तपास पोहेकॉ.दादाभाऊ वाघ करीत आहेत.
