नंदुरबार l प्रतिनिधी
गेल्या पाच वर्षापासून रोटरी क्लब ऑफ नंदनगरीचे कार्य उत्तरोत्तर प्रगती करत असून एका वेगळ्याच उंचीला पोहोचलेला हा क्लब विविध सेवाभावी कार्यामुळे नावारूपाला येत आहे. या क्लबच्या माध्यमातून विविध कार्यक्रमांमुळे सोहळा अत्यंत दिमाखात पार पडला.
3060 चे 2024/25 या वर्षाचे डी.जी.एन. तुषारभाई शाह व स्नेहलबेन शाह असिस्टंट गव्हर्नर हर्षल अहिराव यांच्या उपस्थितीत सकाळपासून विविध उर्दू व माध्यमिक शाळेत शैक्षणिक साहित्यांची व बिस्किटांचे वाटप तसेच वृक्षारोपणाचा कार्यक्रम संपन्न झाला.
शहराच्या प्रवेश मार्गावर स्वागत फलकाचे उद्घाटन मान्यवरांच्या हस्ते करण्यात आले.तसेच नंदुरबार शहर पोलीस स्टेशनला फलकाचे लोकार्पण सोहळा पार पडला.आषाढी एकादशी निमित्ताने विविध भक्ती गीत स्पर्धेचे आयोजन करण्यात आले.या भावगीत स्पर्धेचे परीक्षण सुनिता चव्हाण,हेमंत पाटील व विजय अजमेरा यांनी केले. सहभाग नोंदविणारे स्पर्धकांना व प्राविण्य मिळवलेल्या स्पर्धकांचा बक्षीस वितरण सोहळा पार पडला.गरीब वस्तीत ताडपत्रीचे वाटप करण्यात आले.
सायंकाळी पदग्रहण सोहळा कार्यक्रम संपन्न झाला.मावळते अध्यक्ष मनोज गायकवाड यांनी नूतन अध्यक्ष अनिलभाई शर्मा यांना अध्यक्ष पदाची धूरा सोपविला. तसेच मावळते सचिव अनिलभाई शर्मा यांनी नूतन सचिव किरण दाभाडे यांना सचिव पदाचा कार्यभार सोपविला.
मागील वर्षी 235 प्रोजेक्ट क्लबने पूर्ण करून 15535 लोकांपर्यंत रोटरीचे कार्य पोहोचले.असे प्रतिपादन मावळते अध्यक्ष मनोज गायकवाड यांनी केले.
या कार्यक्रमाला डी.जी.एन.तुषार शाह, स्नेहलबेन शाह, असिस्टंट गव्हर्नर हर्षल अहिराव डॉ.युनूस पठाण उपशिक्षणाधिकारी प्राथ. नंदुरबार ज्येष्ठ विधीतज्ञ अँड.सलीम व्होरा,नेहा शाह,कुणाल वसावे, नगरसेवक उद्योगपती मदनलाल जैन,शब्बीर मेमन,डॉ.विशाल चौधरी निलेश तवर,जितेंद्र सोनार,रमाकांत पाटील,प्रितेश बांगड, भिका चौधरी, नागसेन पेंढारकर, मनोज गायकवाड कार्यक्रमाला उपस्थित होते.
रोटरी क्लबचे फांऊडर जेष्ठ रोटेरिअन, यशवंत स्वर्गे यांना “रोटरी क्लब ऑफ नंदनगरीच्या” वतीने “जीवन गौरव पुरस्कार” देऊन गौरविण्यात आले. कार्यक्रम यशस्वीतेसाठी अँड प्रेम इंदानी,प्रवीण पाटील, नरेश नानकणी,डी.डी.साळुंके, संजय शर्मा,सय्यद इसरार,राजेश शर्मा,
संजय राजपूत, विकास तोष्णीवाल,श्याम लवणे संदीप रंगलाणी, विजय रंगलाणी,राहुल पाटील,सज्जाकभाई, हर्षल पाटील, युनूस भाई, सोनल, हर्षल लवणे,प्रवीण येवले, संजूभाई शर्मा ,फैयाज खान, आकाश जैन, राहुल पाटील,राजू पुजारा,सज्जन भाई,विजय बडगुजर,फकरुदी्नभाई जलगाववाला,राजू पुजारा,अब्बास काटावाला,यांनी परिश्रम घेतले .तसेच सतिश चौधरी अध्यक्ष,लायन्स क्लब नंदुरबार हे कार्यक्रमास उपस्थित होते.
कार्यक्रमाचे प्रास्ताविक सचिव,किरण दाभाडे यांनी केले.तर सूत्रसंचालन ॲड. सुशील गवळी,निलेश तवर यांनी केले.तसेच आभार अध्यक्ष,अनिल शर्मा यांनी मानले.
