नंदुरबार l प्रतिनिधी
एकात्मिक आदिवासी विकास प्रकल्प कार्यालय,तळोदा अंतर्गत येणाऱ्या शासकीय इंग्रजी माध्यम आश्रमशाळा दाब ता.अक्कलकुवा येथे इयत्ता पहिली ते चौथींसाठी शैक्षणिक वर्ष सन 2022-2023 करीता अत्यंत तात्पुरत्या स्वरुपात रोजंदारी तत्वावर मुलाखतीद्वारे नियुक्तीसाठी तळोदा, अक्कलकुवा व धडगाव तालुक्यातील कार्यक्षेत्रातील अर्हताधारक उमेदवारांनी 8 जुलै 2022 रोजी सकाळी 10.30 ते 6 वाजेपर्यंत एकात्मिक आदिवासी विकास प्रकल्प,तळोदा जि.नंदुरबार येथे उपस्थित राहावे.
प्राथमिक शिक्षक पदासाठी अनुसूचित जमातीच्या उमेदवारांना (पेसा कायदा) प्रथम प्राधान्य देण्यात येईल. पदासाठी इयत्ता दहावी, बारावी व डी.एड (इंग्रजी माध्यम) अभ्यासक्रमपूर्ण केल्याचे प्रमाणपत्र, गुणपत्रक सोबत मुलाखतीसाठी आणावे. शिक्षकपदासाठी टीईटी पास असणाऱ्या उमेदवारांना अर्ज करता येईल. असे प्रकल्प अधिकारी तथा सहायक जिल्हाधिकारी डॉ.मैनाक घोष यांनी एका प्रसिद्धी पत्रकान्वये कळविले आहे.