नंदुरबार l प्रतिनिधी
तालुक्यातील दुधाळे शिवारातील सहारा टाऊन येथून अल्पवयीन मुलीचे अपहरण केल्याप्रकरणी गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनुसार, नंदुरबार तालुक्यातील दुधाळे शिवारातील सहारा टाऊन येथील एका १६ वर्षीय अल्पवयीन मुलीला अज्ञाताने फूस लावून पळवून नेले.
याबाबत मुलीच्या आईने नंदुरबार शहर पोलिस ठाण्यात दिलेल्या फिर्यादीवरुन अज्ञाताविरोधात भादंवि कलम ३६३ प्रमाणे गुन्हा दाखल करण्यात आला आहे. पुढील तपास पोहेकॉ. वसंत वसावे करीत आहेत.
