आश्रमशाळेतून मुलाला पळविले, अज्ञाताविरुद्ध गुन्हा दाखल

नंदुरबार l प्रतिनिधी
तळोदा तालुक्यातील सलसाडी आश्रमशाळेतून अल्पवयीन मुलाला पळवून नेल्याप्रकरणी अज्ञाताविरुद्ध गुन्हा दाखल करण्यात आला आहे.

याबाबत पोलिस सूत्रांनी दिलेल्या माहितीनुसार, तळोदा तालुक्यातील सलसाडी येथे शासकीय आश्रमशाळा आहे. सदर आश्रमशाळेतून अज्ञाताने योगेश दिलीप वसावे या १४ वर्षीय मुलाला फूस लावून पळवून नेल्याची घटना घडली.

याबाबत आश्रमशाळेचे अधिक्षक राहूल प्रकाश मनोरे यांच्या फिर्यादीवरुन तळोदा पोलिस ठाण्यात अज्ञाताविरोधात भादंवि कलम ३६३ प्रमाणे गुन्हा दाखल करण्यात आला आहे. पुढील तपास महिला सहाय्यक पोलिस निरीक्षक प्रिया वसावे करीत आहेत.