नंदुरबार l प्रतिनिधी
केंद्र शासनाच्या भारतीय तंत्रविज्ञान संस्थेतील सन 2022-23 या शैक्षणिक सत्राकरिता तीन वर्षीय (सहासत्रीय) हातमाग व वस्त्रोद्योग तंत्रविज्ञान पदविका अभ्यासक्रमाच्या प्रथम सत्राकरिता महाराष्ट्र राज्यातून बरगढ (ओडिशा) करीता 13+1 (यामध्ये वेंकटगिरी करीता 2 जागांचा समावेश आहे) च्या प्रवेशासाठी पात्र उमेदवारांची निवड करण्याकरीता
प्रादेशिक उपआयुक्त वस्त्रोद्योग, नागपूर, सोलापूर, मुंबई, औरंगाबाद यांचे मार्फत विहित नमुन्यात प्रवेश अर्ज 10 जून, 2022 पर्यंत मागविण्यात आलेले होते. केंद्र शासनाच्या सुधारित कार्यक्रमानुसार त्यास 11 जुलै, 2022 पर्यंत मुदतवाढ देण्यात आलेली आहे.
त्या अनुषंगाने इच्छुक उमेदवारांनी याबाबतचे आपले परिपूर्ण अर्ज 11 जुलै, 2022 पर्यंत संबंधित प्रादेशिक उपआयुक्त, वस्त्रोद्योग कार्यालय यांच्याकडे सादर करावे. प्रवेश अर्जाचा नमुना व इतर अनुषंगिक माहिती वस्त्रोद्योग आयुक्तालयाचे http.www.dirtexmah.gov.in वर उपलब्ध आहे. अर्जाचा नमुना सर्व प्रादेशिक वस्त्रोद्योग उपायुक्त यांच्या कार्यालयातदेखील उपलब्ध आहे, असे वस्त्रोद्योग आयुक्त शीतल तेली- उगले यांनी कळविले आहे.
