नंदुरबार l प्रतिनिधी
नंदूरबार तालुक्यातील रनाळ्यात संतप्त शिवसैनिकांनी एकनाथ शिंदेंचा पुतळा जाळला असून संतप्त कार्यकर्त्यांनी यावेळी जोरदार घोषणाबाजी केली.
शिवसेनेचे नगरविकास मंत्री बंडखोर नेते एकनाथ शिंदे यांच्या प्रतिकात्मक पुतळ्याचे रनाळे येथे दहन करण्यात करण्यात आले. यावेळी संतप्त झालेल्या शिवसैनिकांनी जोरदार घोषणाबाजी करीत बंडखोरांच्या निषेध केला.
शिवसेनेच्या बंडखोर आमदारांच्या निषेधार्थ राज्यभर आंदोलने छेडण्यात येत आहेत. या पार्श्वभूमीवर नंदुरबार तालुक्यातील रनाळे येथे शिवसेनेचे माजी जिल्हा प्रमुख दीपक गवते यांच्या नेतृत्वाखाली आंदोलन करण्यात आले.
रनाळे येथील बाजार चौकात शिवसेनेचे नगरविकास मंत्री एकनाथ शिंदे यांच्या धिक्कार करीत प्रतिकात्मक पुतळ्याचे दहन केले. यावेळी ‘ गद्दारांचे करायचे काय खाली डोके वरती पाय’, ‘धिक्कार असो धिक्कार असो एकनाथ शिंदे यांच्या धिक्कार असो’, ‘जिंदाबाद जिंदाबाद शिवसेना जिंदाबाद’ अशा जोरदार घोषणा कार्यकर्त्यांनी दिल्या.
आंदोलनात माजी नगरसेवक सुनील सोनार, शेतकरी सहकारी संघाचे संचालक सुरेश शिंत्रे, गोकुळ नागरे, पंडित नागरे, संतोष पाटील, योगेश सानप,पंकज नागरे, बबलू नागरे,केशव आव्हाड, साहेब घुगे, सलीम मिर्झा,जाकीर खाटीक, अनिल गोसावी,मोहन धनगर, दीपक गीते,विनोद पाटील, वामन गाभणे, सुनील पाटील,हर्षल नागरे,अमित गवते, बापू गवते,प्रकाश धात्रक यांच्यासह मोठ्या संख्येने शिवसैनिक सहभागी झाले होते.
