नंदुरबार | प्रतिनिधी
धडगाव तालुक्यातील पानबारीचा जुनापाटीपाडा येथे नागरटी केलेल्या शेतातून गाडी घेवून गेला या कारणावरून दोघांना मारहाण केल्याची घटना घडली आहे. याप्रकरणी दोघांविरूध्द गुन्हा दाखल करण्यात आला आहे.
याबाबत अधिक माहिती अशी की, धडगांव तालुक्यातील पानबारीचा जुनापाटीपाडा येथे राहणार्या रविंद्र माल्या वसावे यांचे शेत नागरटी केले होते. दरम्यान ईश्वर वसावे याने या शेतातून बोलेरो गाडी घेवून गेला.
याचा राग आल्याने रविंद्र माध्या वसावे व इतर तिघांनी ईश्वर वसावे व त्यांच्या भाऊ दिलीप वसावे यांना काठीने मारहाण केले तसेच त्यांच्या डोक्यात दगडाने मारून दुखापत केली तसेच शिवीगाळ करीत जिवेठार मारण्याची धमकी दिली.
याप्रकरणी ईश्वर सिपा वसावे रा.पानबारीचा जुनापाटीपाडा (ता.धडगांव) यांच्या फिर्यादवरून अक्राणी पोलीस ठाण्यात रविंद्र माल्या वसावे, किसन माल्या वसावे, धिरसिंग माल्या वसावे, माल्या कर्मा वसावे सर्व पानबारीचा जुनापाटीपाडा यांच्या विरूध्द भादंवि कलम ३२५, ३२४, ३२३, ५०४, ५०६, ३४ प्रमाणे गुन्हा दाखल करण्यात आला आहे. याप्रकरणी पुढील तपास पोना श्री. वारूडे करीत आहेत.
