नंदुरबार l प्रतिनिधी
तळोदा तालुक्यातील खुर्चीमाळ सोजळबार मुख्य रस्त्यावर पिकप वाहन घसरल्याने थेट तीस फूट दरीत कोसळल्याने अपघात झाला आहे. या अपघातात एक जण जखमी झाल्याची घटना घडली आहे.
याबाबत प्राथमिक माहिती अशी की, तळोदा तालुक्यातील एकधड गावाचे रहिवासी युवराज हिरामण वळवी यांच्या मालकीचे पिकअप वाहन
अक्कलकुवा तालुक्यातील बिजरीगव्हाण, मोलगी येथे लग्नाच्या वराडी मंडळीला सोडायला गेले होते. बिजरीगव्हाण येथून परत येत असताना तळोदा तालुक्यातील खुर्चीमाळ सोजळबार गावा दरम्यान डोंगरदऱ्यातील रस्ता दरड कोसळून पावसाच्या पाण्यात वाहून गेल्याच्या त्या ठिकाणी पिकप वाहन घसरल्याने थेट तीस फूट दरीत कोसळल्याने अपघात झाला आहे.
वऱ्हाडी मंडळीला पोहचवून परत येत असताना चालक गाडीत एकटाच असल्याने सुदैवाने मोठी जीवित हानी टळली आहे. दरम्यान चालक जखमी झाला आहे. पिकप वाहनाचेही मोठे नुकसान झाले आहे. स्थानिक गावकऱ्यांनी अपघातस्थळी भेट देऊन मदत केली आहे.
