नंदुरबार l प्रतिनिधी
शहादा तालुक्यातील म्हसावद चिखली फाटा येथे बॅण्ड पार्टीच्या वाहनाने दुचाकीला धडक दिल्याने पती-पत्नी जखमी झाल्याची घटना घडली. याप्रकरणी वाहन चालकाविरोधात गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, शहादा तालुक्यातील वडछील पुनर्वसन येथील मगन भिका वसावे व त्यांची पत्नी असे दोघे दुचाकीने (क्र.जी.जे.०५ ई ५५९७) धडगाव येथून वडछील पुनर्वसन येथे जात होते. यावेळी देवमोगरा बॅण्ड पार्टी विरपूर गावाचे वाहनावरील चालकाने त्याच्या ताब्यातील वाहन
रस्त्याच्या परिस्थितीकडे दुर्लक्ष करुन भरधाव वेगात वाहन चालवून म्हसावद गावाजवळील चिखली फाट्याजवळ दुचाकीला मागून धडक दिल्याने अपघात घडला. घडलेल्या अपघातात मगन वसावे व त्यांच्या पत्नीला दुखापत झाली.
तसेच दुचाकीचेही नुकसान झाले. अपघातानंतर वाहन चालक घटनास्थळावरुन पसार झाला. याबाबत मगन वसावे यांच्या फिर्यादीवरुन म्हसावद पोलिस ठाण्यात वाहन चालकाविरोधात भादंवि कलम २७९, ३३७, ३३८, ४२७, मोटार वाहन कायदा कलम १८४, १३४, १८७ प्रमाणे गुन्हा दाखल करण्यात आला आहे. पुढील तपास पोहेकॉ.सुनिल बागुल करीत आहेत.
