म्हसावद l प्रतिनिधी
अनु.जाती व नवबौद्ध मुलांची शासकीय निवासी शाळा, मोहिदे त.श. ता.शहादा जि.नंदुरबार या आय.एस.ओ. मानांकन प्राप्त शासकीय निवासी शाळेत सन २०२२-२३ या शैक्षणिक वर्षासाठी सेमी इंग्रजी मध्यामाच्या इयत्ता ६ वी च्या ४० व ७ वी ते १० या वर्गाच्या रिक्त जागांसाठी प्रवेश प्रक्रिया सुरु झाली असल्याची माहिती मुख्याध्यापक एस.के केदारे यांनी दिली.
या निवासी शाळेची सर्व सुविधायुक्त सुसज्ज इमारत, विद्यार्थ्यांना मोफत निवास, शालेय व इतर साहित्य, शिक्षण, गणवेश, क्रीडा साहित्य, व्यायामशाळा, संगणक कक्ष, भोजनाची व्यवस्था यासह डिजिटल वर्ग अध्यापन इत्यादी सुविधा मोफत उपलब्ध आहेत.
एस.सी. ८० टक्के एस.टी. १० टक्के VJ/NT ०५ टक्के, एस.बी.सी. ०२ टक्के, तर दिव्यांग प्रवर्गासाठी ०३ टक्के राखीव जागा आहेत. तरी विद्यार्थी व पालक यांनी प्रवेशाकरिता शाळेचे मुख्याध्यापक एस के केदारे (९७६७८७२०७९), बी.आर.माळी(७६२०३२५२३२), आर.एस.वळवी (८६२३८०२७२४), एस.बी.ढगे (७७०९९८९५४४) यांचेशी संपर्क करावा असे आवाहन करण्यात आले आहे.
