नंदुरबार l प्रतिनिधी
शहादा तालुक्यातील पाडळदा येथील प्राथमिक आरोग्य केंद्र फोडून चोरट्यांनी ६ हजाराचे साहित्य लंपास केले.
याबाबत पोलिस सूत्रांनी दिलेल्या माहितीनूसार, शहादा तालुक्यातील पाडळदा येथे प्राथमिक आरोग्य केंद्र आहे. सदर प्राथमिक आरोग्य केंद्रात चोरट्यांनी प्रवेश करीत ५ हजार रुपये किंमतीचे १५ इंच मॉनिटर व १ हजार रुपये किंमतीचे संगणकाचे कि-बोर्ड असे एकूण ६ हजार रुपये किंमतीचे साहित्य चोरुन नेले.
याबाबत डॉ.चंद्रकांत कृष्णराव सामुद्रे यांच्या फिर्यादीवरुन शहादा पोलिस ठाण्यात अज्ञातांविरोधात भादंवि कलम ४५४, ४५७, ३८० प्रमाणे गुन्हा दाखल करण्यात आला आहे. पुढील तपास पोना.जितेंद्र ईशी करीत आहेत.
