नवापूर l प्रतिनिधी
महाराष्ट्र काँग्रेस कमिटीचे प्रदेशाध्यक्ष नाना पटोले यांनी नंदुरबार जिल्ह्याच्या भारतीय राष्ट्रीय काँग्रेस कमिटीच्या प्रभारी जिल्हाध्यक्षपदी नवापूर मतदार संघाचे आमदार शिरीष कुमार नाईक यांची नियुक्ती केली.
आमदार शिरीष कुमार नाईक यांनी पदभार स्वीकारल्यानंतर महाराष्ट्र प्रदेश काँग्रेस कमिटीचे अध्यक्ष नाना पटोले यांची भेट घेतली या भेटीदरम्यान आमदार शिरीष कुमार नाईक यांनी जिल्हास्तरावरील भारतीय राष्ट्रीय काँग्रेस पक्षाचे विस्तार आगामी काळात येणाऱ्या नगरपालिका निवडणुका ग्रामपंचायत निवडणुका पक्षातील रिक्त असलेले पदांसंदर्भात भरती प्रक्रिया यासह विविध विषयांवर चर्चा केली.
पक्ष संघटन नंदुरबार जिल्ह्यातील पदाधिकाऱ्यांना येणाऱ्या समस्यांबाबत त्यांनी सर्वस्वी माहिती प्रदेशाध्यक्ष नाना पटोले यांना सांगितली यावेळी प्रदेशाध्यक्षांनीही जिल्हा काँग्रेस कमिटी प्रभारी अध्यक्ष आमदार शिरीषकुमार नाईक यांच्या सर्व समस्यांचे निराकरण करण्याचं आश्वासन दिल.
