म्हसावद l प्रतिनिधी
नंदुरबार क्रीडा व युवक सेवा संचालनालय महाराष्ट्र राज्य पुणे अंतर्गत ,जिल्हा क्रीडा अधिकारी कार्यालय नंदुरबार व स्पोर्ट्स कराटे असोशियन नंदुरबार यांच्या संयुक्त विद्यमाने, जिल्हास्तरीय उन्हाळी क्रीडा प्रशिक्षण शिबिराचे समारोप पटेलवाडी समाज हॉल येथे आयोजन करण्यात आले ,
यावेळी जिल्हा क्रीडा अधिकारी तथा नाशिक विभागीय क्रीडा उपसंचालक श्रीमती सुनंदा पाटील , नगरपरिषद सदस्य सुरेंद्र छिकारा हे मान्यवर उपस्थित होते.
5 मे ते 20 मे दरम्यान जिल्हाभरात क्रीडा प्रशिक्षण राबविण्यात आले या शिबिरात खेळाडूंना कराटे , कोरीयन कराटे आणि शिकाई मार्शल आर्ट्स या खेळाचे प्रशिक्षण देण्यात आले.
यावेळी प्रशिक्षण समारोप प्रसंगी श्रीमती सुनंदा पाटील यांनी मनोगत व्यक्त करतांना आजच्या काळात खेळाडूं साठी क्रीडा क्षेत्रात मोठ्या प्रमाणात संधी उपलब्ध आहे व प्रत्येक खेळाडूने खेळाचे महत्त्व जाणून घेतले पाहिजे आणि कराटे , कराटे कोरीयन,शिकाई या खेळाचे सराव करण आवश्यक आहे, शिबिरात सहभागी खेळाडूंना क्रीडा उपसंचालक सुनंदा पाटील यांच्या शुभहस्ते विद्यार्थी व विद्यार्थिनींना प्रमाणपत्र देऊन गौरवण्यात आले.
या कार्यक्रमाचे सूत्रसंचालन प्रा डॉ मयुर ठाकरे यांनी केले आणि यशस्वी खेळाडूंना कराटे प्रशिक्षक व असोसिएशनचे सचिव डॉ दिनेश बैसाणे यांचे मार्गदर्शन लाभले.
