नंदुरबार l प्रतिनिधी
एकात्मिक बालविकास सेवा योजना प्रकल्प, रनाळा अंतर्गत अंगणवाडी सेविका,अंगणवाडी मिनी सेविका व मदतनीस या मानधनी पदासाठी रिक्त असलेल्या जागासाठी संबंधित महसुली गावातील इच्छूक व पात्र महिला उमेदवारांकडून 14 मे 2022 पर्यंत अर्ज मागविण्यात आले आहेत.
खापरखेडा-1 येथील अंगणवाडी केंद्रातील 1 अंगणवाडी सेविका रिक्त पदासाठी तर ठेलारीपाडा मिनी-1, घोटाणे एक मिनी-1, घोटाने दोन मिनी-1, आराळे मिनी-1, नगाव मिनी -1, वडबारे मिनी-1 येथील 6 अंगणवाडी मिनी सेविका रिक्तपदासाठी तसेच बोराळा-1, दहिदुले-1 अंगणवाडी केंद्रातील 2 मदतनीस अशा एकूण 9 रिक्तपदासाठी अर्ज मागविण्यात येत आहे.
अंगणवाडी सेविका, मिनी अंगणवाडी सेविका व मदतनीस या मानधनी पदासाठी केवळ त्या गावातील रहिवासी असणे आवश्यक आहे. विहीत नमुन्यातील अर्ज व शैक्षणिक पात्रता व इतर माहितीसाठी कार्यालयीन वेळेत उपलब्ध असतील. तसेच परिपुर्ण भरलेले अर्ज 14 मे 2022 पर्यंत बालविकास प्रकल्प अधिकारी, एकात्मिक बालविकास सेवा योजना प्रकल्प,रनाळा,भाबड कॉम्पलेक्स, रनाळा ता.जि.नंदुरबार येथे सादर करावे. असे बाल विकास प्रकल्प अधिकारी, रनाळा यांनी एका प्रसिद्धीपत्रकान्वये कळविले आहे.
