म्हसावद l प्रतिनिधी
शहादा तालुक्यातील मलोणी येथील एस.ए.मिशन खाजगी प्राथमिक शाळा मलोणी येथे शाळा पूर्व तयारी मेळाव्याचे आयोजन करण्यात आले होते.
कार्यक्रमाचे अध्यक्ष एस.ए.मिशन संस्थेचे व्हाइस चेअरमन प्रा.संतोष देशपांडे होते.तसेच मुख्याध्यापक प्रल्हाद राजभोज व प्रमुख अतिथी म्हणून शाळा व्यवस्थापन समिती सदस्य व पालक व नवीन प्रवेशीत इयत्ता पहिली चे विद्यार्थी उपस्थित होते.
प्रथम नविन विद्यार्थ्यांचे प्रा.संतोष देशपांडे व प्रल्हाद राजभोज यांनी गुलाब पुष्प देऊन स्वागत केले.त्यांना रंगीबेरंगी टोप्या व फुगे चॉकलेट वाटप करण्यात आले.विद्यार्थी प्रवेशसाठी सात स्टॉल लावण्यात आले होते.सर्व शिक्षकांनी नेमून दिलेल्या प्रत्येक स्टॉलवरची नाव नोंदणी प्रक्रिया पूर्ण झाल्यानंतर विद्यार्थ्यांचे सेल्फी पॉईंट वर फोटो काढण्यात आले.प्रा.संतोष देशपांडे यांनी आपल्या अध्यक्षीय भाषणात सांगितले की, मिशन मराठी प्राथमिक शाळा ही शंभर वर्षे जुनी शाळा असून या शाळेतून शिक्षण घेऊन गेलेले अनेक विद्यार्थी हे आज उच्च पदावर कार्यरत आहेत.गुणवत्तापूर्ण शिक्षण देण्याची या शाळेची परंपरा आहे असे सांगितले.यावेळी पालक व शालेय व्यवस्थापन समिती सदस्य यांना गुलाब पुष्प देऊन सन्मानित करण्यात आले.कार्यक्रमाचे सूत्रसंचालन कुणाल सोमवंशी यांनी केले.कार्यक्रमाचे यशस्वीतेसाठी उषा जाधव, मंगला पाटील,भारती शेवाळे, रविकांता वसावे,कुणाल सोमवंशी, सोनाली पाकळे, नितिन गलराह, संदिप पाटील, सुविधा वळवी यांनी परिश्रम घेतले.