म्हसावद l प्रतिनिधी
शहादा तालुक्यातील म्हसावद येथील ग्रामीण रुग्णालय येथे स्वातंत्र्याच्या अमृतमहोत्सवी वर्षानिमित्त आरोग्य व कुटुंबकल्याण मंत्रालय भारत सरकार व आरोग्य अभियान व सार्वजनिक आरोग्य विभाग महाराष्ट्र शासन आयोजित भव्य मोफत आरोग्य मेळावा आयोजित करण्यात आला होता. या शिबिराचे उद्घाटन खा. हीना गावित, आ.राजेश पाडवी,तर कार्यक्रमाच्या अध्यक्षस्थानी जिल्हा परिषद अध्यक्षा ॲड. सीमा वळवी होत्या.त्यांच्या शुभ हस्ते याहा मोगी माता प्रतिमा पूजन व दिप प्रज्वलीत करुण कार्यक्रमला सुरूवात करण्यात आले.
यावेळी खा.डॉ.हीना गावित यांनी सांगितले की,आदिवासी बांधवांचे आरोग्याची काळजी घेण्यासाठी शासन तत्पर तयार आहे.
कोणत्याही रुग्ण कोणत्याही प्रकारच्या उपचारासाठी केंद्र स्तरावर सर्व सुविधा देण्यात येईल केंद्र सरकारने आरोग्य विषयी धोरण बाबतीत माहिती दिली.त्यानंतर आ. राजेश पाडवी यांनी लहान मुलांच्या हृदयाच्या होल बाबत व आरोग्य धोरण बाबत माहिती दिली.त्यानंतर अध्यक्षीय भाषनात ॲड.सीमा वळवी यांनी सांगितले की,कोणत्याही रुग्णाला कोणत्याही प्रकारे उपचारासाठी जिल्हा स्तरावर किंवा जिल्हा बाहेर नाशिक मुंबई जरी रुग्णाला घेऊन जाण्याची आली तरी सर्व सुविधा उपलब्ध करुण देण्यात येतील शासना ने आरोग्य ला प्रथम प्राधान्य दिले आहे.शिबिरात जिल्हा रुग्णालय व वैद्यकीय महाविद्यालयाचे तज्ञ डॉक्टर मार्फत शिबिरात पाचशेहून अधिक रुग्णांची तपासणी करून योग्य उपचार व निदान करण्यात आले रुग्णांना प्रशासनामार्फत नाश्ता, जेवण देण्याची सोय करण्यात आली होती.
यावेळी जिल्हा परिषद सदस्या रजनीताई नाईक, जि.प. सदस्य मोहन शेवाळे, जि.प. सदस्या वंदना पटले, ,जि.प. सदस्या कविता पावरा, जि.प.सदस्य सुभाष पटले, जि प सदस्य मोगरा पटले, जि.प.सदस्या मीना ठाकरे,जि.प,सदस्या भारती भील, जि.प.सदस्या गुलाल भिल, जि.प.सदस्या कुंदाबाई नाईक,शहादा पंचायत समिती सभापती श्रीमती बायजाबाई भील, उपसभापती श्रीमती वैशाली पाटील, पंचायत समिती सदस्या श्रीमती कमलबाई ठाकरे,पंचायत समिति सदस्य सत्तेन वळवी,शांतिलाल पाटिल,भानुमती ईशी, शहादा तालुका काँग्रेस कमिटीचे अध्यक्ष डॉ.सुरेश नाईक,सामाजिक कार्यकर्ते शशिकांत पाटील,माजी कृषि सभापती डॉ.भगवान पाटील,सामाजिक कार्यकर्ते डॉ.जाधव ठाकरे व डॉ. योगेश पावरा,ग्रामसेवक पी.बी.गिरासे हे उपस्थित होते.
शहादा तालुक्यातील जनतेला आरोग्य सुविधा उपलब्ध करण्यासाठी ग्रामीण रुग्णालय म्हसावद तेथे दंत व सर्व रोग निदान शिबिराचे आयोजित करण्यात आले होते. डिजिटल आयडी युनिक हेल्थ , महात्मा ज्योतिराव फुले जन आरोग्य योजना व आयुष्यमान भारत प्रधानमंत्री जन आरोग्य योजना हे दोन्ही योजनाचे कार्ड बनविण्यासाठी नागरिकांनी गर्दी केली होती. प्रधानमंत्री जन आरोग्य योजना कार्ड बनविणे वाटप करणे अवयवदान बाबत जनजागृती करणे, योगा शिबिर जनजागृती करणे डिजिटल आयडी,रक्तदान शिबीर आयोजित केले होते. कार्यक्रमास नंदुरबार जिल्हा शल्य चिकित्सक डॉ.चारुदत्त शिंदे,जिल्हा आरोग्य अधिकारी डॉ.गोविंद चौधरी,शल्य चिकित्सक डॉ.राजेश वसावे यांच्या मार्गदर्शनाखाली तालुका अधिकारी डॉ.राजेन्द्र ठाकरे,म्हसावद ग्रामीण रुग्णालया चे वैद्यकीय म्हसावद ग्रामीण रुग्णालया चे वैद्यकीय अधिक्षक डॉ.अल्लाउद्दिन शेख व सर्व प्राथमिक आरोग्य केंद्राचे वैद्यकीय अधिकारी व कर्मचारी यांनी शिबिर यशस्वी करण्यसाठी परिश्रम घेऊन आरोग्य सेवा दिली. शिबिराचे प्रास्ताविक व सूत्रसंचालन डॉ.राजेश वसावे यांनी केले तर शेवटी आभार वैद्यकीय अधिक्षक डॉ.अल्लाउद्दिन शेख यांनी मानले.
