म्हसावद l प्रतिनिधी
शहादा तालुक्यातील बामखेडा त. त. या गावात डॉ. बाबासाहेब आंबेडकर यांच्या 131 व्या जयंतीचे औचित्य साधून उद्यमशील बहुउद्देशीय बहुउद्देशीय सेवाभावी संस्थेने भीम जयंतीचे औचित्य साधून संस्थेने गावातील माता-भगिनी तसेच तरूण युवतीना आंबेडकर व महिला कायदे यांची सांगड घालणारा महत्त्वपूर्ण भव्य व्याख्यानाचा कार्यक्रम राबवून महिला – भगिनिंना पूर्वीच्या त्यांच्या जिवनातील सती प्रथा, संरक्षणविषयक नसलेले कायदे इत्यादींमुळे होणारे अतोनात हाल , कष्ट आणि त्यावरील बाबासाहेबांच्या योगदानामुळे आजचे त्यांचे सुसह्य , सुखद आणि आनंदमयी जीवनाची किंमत आणि महत्व पटवून दिले.
सदर व्याख्यानाच्या कार्यक्रमात प्रमुख व्याख्याते म्हणून शहादा तालुका सत्र न्यायालयाचे ॲड. राहुल कुंवर यांचे मोलाचे मार्गदर्शन लाभले. सदर कार्यक्रमात जि .प .शाळा फेसचे मुख्याध्यापक तुकाराम निकम, जि. प. समिती सदस्या श्रीमती. अरुणा जयसिंग पवार,ज्येष्ठ सामाजिक कार्यकर्त्या श्रीमती सुमन नवल कढरे, सुरेखाबाई जीवन सोनवणे, राहुल कोळी, श्रीमती. शोभाबाई दगा सोनवणे , तसेच उबसे संस्थेचे उपाध्यक्ष रविंद्र गवळे आदींसह मोठ्या संख्येने परिसरातील महिला व विद्यार्थिनी उपस्थित होते. कार्यक्रमाचे सूत्र संचलन सुशील गव्हाणे यांनी केले.
